CM जयराम रे ड्रीम प्रोजेक्ट 'शिवधाम' पर कांग्रेस ए खड़े किते सवाल, भ्रष्टाचार रे लगाए आरोप

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

हिमाचल च पटरी पर लौटा दा पर्यटन कारोबार, पिछले 6 महीनेयां च शिमला पहुंचे 32 लाख सैलानी

हिमाचल री आर्थिकी रा अहम हिस्सा मनेयां जां पर्यटन कारोबार दोबारा पटरी पर लौटणे लगेया है. वीकेंड पर सैलानियां री आमद बढ़ा दी है. राजधानी शिमला रे होटलां च करीब 90 फीसदी ऑक्यूपेंसी होदी है. सरकारा री ओर से कोरोना जो लेई ने लगाई गई पाबंदियां हटणे रे बाद बीते 6 महीनेयां च करीब 32 लाख सैलानी शिमला घूमणे आई चुके हन कन्ने ये सिलसिला लगातार जारी है.

लाहौल घाटी च टूरिस्टां री एंट्री पर बैन

हिमाचल प्रदेश रे लोकां जो बरखा कन्ने बर्फबारी ते निजात नी मिलणे वाली है. मौसम विभाग ए प्रदेश रे कई हिस्सेयां च आणे वाले दो दिनां तक मौसम खराब रहणे री संभावना जतांदे होए अलर्ट जारी कितेया है. वहीं, बर्फबारी रे खतरे रे बीच लाहौल स्पीति प्रशासन ए घाटी च पर्यटकां री एंट्री पर बैन लगाई दितेया है.

वैक्सीनेशन अभियान पर कांग्रेस री टिप्पणी ते भड़के भाजपा प्रदेशाध्यक्ष

पीसीसी चीफ कुलदीप राठौर पर निशाना साधदे होए भाजपा प्रदेश अध्यक्ष सुरेश कश्यप ए केहा कि इतने बड्डे टीकाकरण अभियान पर भी कांग्रेस रे नेता नकारात्मक बयानबाजी करा दे हन. कांग्रेस खुद छोटी ते छोटी चीजा जो लेई ने राजनीति करां ई पर तिसरा दोष भाजपा पर मढ़णे रा प्रयास करां ई.

छात्र अभिभावक मंच ए निजी स्कूल प्रबंधन पर लगाए गंभीर आरोप, आंदोलन री दी चेतावनी

शिमला च छात्र-अभिभावक मंच ए निजी स्कूलां द्वारा मनमानी फीस लेणे लेई अभिभावकां कन्ने छात्रां पर मानसिक दबाव बनाणे रे आरोप लगाए हन. मंच ए शिक्षा विभाग कन्ने प्रशासना ते ऐड़े स्कूल प्रबंधनां पर आईपीसी री धारां रे तहत कानूनी कार्रवाई करने री मांग उठाई है. मंच ए चेताया है कि अभिभावकां कन्ने छात्रां री मानसिक कन्ने आर्थिक प्रताड़ना बंद न होई तां सड़कां पर उतरी करी ने आंदोलन करने लेई बाध्य होना पैणा.

सीएम जयराम रे ड्रीम प्रोजेक्ट 'शिवधाम' पर कांग्रेस ए खड़े किते सवाल, भ्रष्टाचार रे लगाए आरोप

सीएम जयराम ठाकुर रे ड्रीम प्रोजेक्ट शिवधाम पर कांग्रेस ए सवाल खड़े किते हन. अखिल भारतीय कांग्रेस कमेटी रे सचिव एवं पूर्व मंत्री सुधीर शर्मा ए जारी बयान च केहा कि इस कमा लेई टैंडर बीते साल 20 नवंबर ते 25 नवंबर रे बीच कड्डे थे. तिस टाइम टैंडरां च उक्त कमा री अनुमानित लागत 18 करोड़ रखी गई थी. ऐसे च 4 कपंनियें टेंडर प्रक्रिया च भाग लितेया था, लेकिन इसी बीच 25 फरवरी 2021 जो ये काम मुंबई री इक कंपनिया जो 36 करोड़ च आंबटित करी दितेया गया है.

शानन हाइड्रो प्रोजेक्ट जो पंजाब ते वापस लाए सरकार: हिमाचल बचाओ संघर्ष मोर्चा

हिमाचल बचाओ संघर्ष मोर्चा रे अध्यक्ष लक्षमेंद्र सिंह ए केहा कि शानन पावर प्रोजेक्ट हिमाचल रा है लेकिन सरकारा री लापरवाही रे कारण जो लाभ हिमाचल जो इसरा मिलणा चाहिए था सैं सारा लाभ पंजाब सरकारा जो मिला दा है. सरकार री लापरवाही ते मंडी जिले रे जोगिंदर नगर च स्थित शानन हाइड्रो प्रोजेक्ट पंजाब सरकारा रे बल है.

ढली फल मंडी ते सेब रा ट्रक लेई ने फरार युवक यूपी ते गिरफ्तार

ढली फल मंडी ते सेबां ने भरी रा इक ट्रक लेई ने फरार होणे वाले ड्राइवरा जो पुलिस ए गिरफ्तार करी लितेया है. शिमला पुलिस री सर्च टीम ए ये कामयाबी हासिल कीती है. आरोपी ड्राइवरा जो टीम ए यूपी रे शामली जिले ते गिफ्तार करी ने शिमला लंदेया. आरोपी 396 सेब री पेटियां जो लदी ने प्रयागराज (इलाहबाद) लेई निकलेया था, लेकिन युवक ए सेब किती दूजी जगहा ही बेची ते.

आनंद शर्मा कन्ने भूपेंद्र हुड्डा ए बीजेपी जो घेरेया

मंडी च पूर्व केंद्रीय मंत्री कन्ने कांग्रेस रे स्टार प्रचारक आनंद शर्मा ए कन्ने हरियाणा रे पूर्व मुख्यमंत्री भूपेंद्र सिंह हुड्डा कांग्रेस प्रत्याशी प्रतिभा सिंह रे पक्ष च चुनाव प्रचार करने लेई आई रे थे. तिनां रे कन्ने कांग्रेस प्रत्याशी प्रतिभा सिंह कन्ने पूर्व मंत्री कौल सिंह ठाकुर भी मौजूद रहे. वहीं, पूर्व केंद्रीय मंत्री आनंद शर्मा ए बीजेपी पर हमला बोलते होए केहा कि मोदी सरकार री दोषपूर्ण नीतियां कन्ने निर्णयां रे चलदे आज देश री अर्थव्यवस्था पूरी तरह ते अस्त व्यस्त होई गई है. हुण भाजपा जो सत्ता ते मुक्त कराणे रा टाइम आई गेया है, जिसरी शुरुआत मंडी ते करनी होणी

राजगढ़ च चलती कारा च लगी आग

सिरमौर जिले रे राजगढ़ इलाके च इक चलती कारा च आग लगी गई. हादसे च पूरी कार जली ने नष्ट होई गई. ड्राइवर ए टाइम रेहंदे ही कारा ते बाहर निकली ने अपणी जान बचाई. वायरिंग च शॉट सर्किट होणा ही घटना रा कारण दसेया जादा है.

भाजपा ए परिवारवाद, जातिवाद कन्ने तुष्टिकरण री राजनीति ते ऊपर उठी ने कितेयाहै काम : संजय टंडन

भाजपा सह प्रभारी संजय टंडन ए कांग्रेस पर हमला बोलेया है. संजय टंडन ए केहा कि सरकार द्वारा किसी भी प्रकार री लाभ राशि हो, चाहे सैं पेंशन, स्वास्थ्य या अन्य क्षेत्र ते संबंधित हो. हुण सीधा गरीब रे खाते च जादी है. भाजपा ए जातिवाद, परिवारवाद कन्ने तुष्टीकरण री राजनीति ते ऊपर उठी ने काम कितेया है.