कंगना रा महात्मा गांधी पर निशाणा, केहा: दूजा गाल आगे करने ते आजादी नी 'भीख' मिलां ई
अभिनेत्री कंगना रनौत ए मंगलवारा जो इक नए विवादा जो जन्म देंदे होए दावा कितेया कि सुभाष चंद्र बोस कन्ने भगत सिंह जो महात्मा गांधी ते कोई समर्थन नी मिलेया. तिनें महात्मा गांधी रे अहिंसा रे मंत्र रा मजाक उड़ादें होए केहा कि दूसजा गाल आगे करने ते भीख मिलां ई ना कि आजादी.
DGP DISK AWARD: SP Mohit Chawla समेत कई अफसरां जो मिलणा सम्मान
प्रदेश च पुलिस कर्मचारियां जो कोरोना काल च बेहतर काम करने लेई डीजीपी डिस्क अवार्ड(DGP Disc Award) ते सम्मानित कितेया जाणा. शिमला एसपी रहे मोहित चावला(SP Mohit Chawla) समेत कई पुलिस अफसरां जो इस अवार्ड ते सम्मानित कितेया जाणा.
BJP कोर ग्रुप री बैठक 24 जो शिमला च होणी
भाजपा कोर ग्रुप री बैठक(BJP core group meeting) हुण 24 नवंबरा जो होणी. वहीं, प्रदेश कार्यसमिति री बैठक 25 ते 27 नवंबरा जो होणी. बैठका च उपचुनावां च हार रे अलावा आणे आले शिमला नगर निगम(Shimla Municipal Corporation Election) चुनावां पर चर्चा होणे री उम्मीद है.
दिल्ली-NCR च प्रदूषण ते हालात बिगड़ने पर हिमाचल पहुंचा दे पर्यटक
दिल्ली-NCR च प्रदूषण स्तर एक बार फिरी बढ़णे लगेया है. कई इलाकेयां च स्थिति 'काफी खराब' श्रेणी च है. ऐसे च दिल्ली-एनसीआर कन्ने अखा-बखा रे अन्य राज्येयां रे लोक इनां दिनें राहत री सांस लेणे लेई हिमाचल रे पर्यटन स्थलां (Himachal tourist places) री ओर रुखा करा दे हन. पर्यटकां रा केहणा है कि प्रदूषण बढ़ने रा कारण दिवाली पर पटाके जलाणा है, वहीं पराली ते भी प्रदूषण री मात्रा बढ़ी है. पर्यटकां रा कहणा है कि कुछ दिन हुण शिमला में राहत की सांस लेने आए हन.
शिमला च कृषि गेहूं-जौ अनुसंधान श्रमिकां री हड़ताल
मंगलवारा जो भारतीय गेहूं कन्ने जौ अनुसंधान(Indian Wheat Barley Research) रे आउटसोर्स कर्मियें तनख्वाह नी मिलणे पर हड़ताल शुरू करी दीती. काम करने आलेयां रा केहणा है कि टाइमा पर तनख्वाह नी मिलणे ते परेशानियां रा सामणा करना पैदा है.
हिम तेंदुए लेई खतरा बना दे फेरल डॉग, सर्वे च होया खुलासा
फेरल डॉग (feral dog) जंगली कुत्तेयां कन्ने आवारा कुत्तेयां रे बीच री ही प्रजाति (species) है. जाली आवारा कुत्ते जंगली जानवरां रे खाणे पर निर्भर होई जाएं कन्ने जंगलां च ही अपणे घर बनाई लें तां तिनां जो फेरल डॉग (feral dog) केहा जां. लाहौल स्पीति कन्ने पांगी घाटी च हिम तेंदुए लेई फेरल डॉग (feral dog) खतरा बणदे जादे हन. वन्य प्राणी विभाग ए भारतीय प्राणी विज्ञान सर्वेक्षण (जेड.एस.आई.) कोलकाता रे सहयोग ते किते सर्वेक्षण च ये गल सामणे आई है.
कारोबारियां जो झटका! होमस्टे रे तहत पंजीकृत नी होणे ट्री हाउस
कुल्लू रे उपमंडल बंजार च ट्री हाउस ( tree house) देश-विदेश ते आणे वाले सैलानियां लेई आकर्षण रा केंद्र बणे हन तां वहीं, ट्री हाउस रे चलदे बंजार घाटी रा पर्यटन कारोबार भी बढ़ेया है, लेकिन ट्री हाउस जो होमस्टे रे तहत पंजीकरण नी मिला दा है. कारोबारियां जो ट्री हाउस जो होटल या फिरी रेस्ट हाउस च पंजीकरण (Registration in Rest House) कराणा होणा.
नौलखा च डिवाइडरा ने टकराई कार, 2 घायल
Car accident near Naulakha: मंगलवार राती करीब 11 बजे किरतपुर-नेरचौक फोरलेन हाईवे पर मंडी जिले रे नौलखारे बल इक दर्दनाक हादसा पेश आया जिस च इक दिल्ली नंबर री कार सीधा सड़क रे कन्ने लगदे डिवाइडरा ने जाई टकराई. इस हादसे च 2 लोक गंभीर रूप ने घायल होई गए हन.
गिरिपार क्षेत्र च तेंदुआ दिखणे ते दहशत, ग्रामीणें वन विभाग ते कीती ये मांग
पांवटा साहिब (Paonta Sahib) री दो पंचायतां च तेंदुआ (Leopard) दिखाई देणे ते लोकां च डर रा माहौल बणी गई दा. स्थानीय लोकें वन विभाग ते मांग कीती है कि तेंदुए जो जल्द ते जल्द पकड़ेया जाए ताकि ग्रामीण बेखौफ होई ने खेतां कन्ने जंगला ते घा-लकड़ू लेयाई सकन.
Child Pornography Case: मैक्लोडगंज रे इक होटल च CBI री छापेमारी
चाइल्ड पोर्न वीडियो (cbi raid porn video ) बनाणे कन्ने तिसो शेयर (Child Pornography Case ) करने रे केस च CBI आलेयां कई जगहां पर छापा मारी कीती है. इसा कड़िया च सीबीआई आलेयां मैक्लोडगंज रे इक होटल च छापेमारी कीती है. फिलहाल देशभर च आपत्तिजनक मेटेरियल री जांच पड़ताला जो लेई ने छापेमारी शुरू कीती है.
AT Skill Hub ए जनांनां जो ब्यूटी एंड वैलनेस प्रोग्राम रे तहत दिती ट्रेनिंग, प्रो. धूमल ए बंडे सर्टिफिकेट
हमीरपुर जिले च ए टी स्किल हब (AT Skill Hub) द्वारा जनांना जो ब्यूटी एंड वैलनेस प्रोग्राम (Beauty and Wellness program ) रे तहत ट्रेनिंग दिती. ट्रेनिंग लेई रे बाद 90 जनांना कन्ने कुड़ियां जो पूर्व मुख्यमंत्री प्रेम कुमार धूमल ट्रेनिंग सर्टिफिकेट दिते.
ये भी पढ़ें-करतारपुर साहिब कॉरिडोर आज से खुलेगा, कैप्टन अमरिंदर ने मोदी-शाह का जताया आभार
