करसोग च प्रतिभा सिंह बोलीं- इक-इक वोट कांग्रेस री झोलिया च जाणा

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

पेट्रोल पंप पर पहुंचे MLA विक्रमादित्य सिंह, सोशल मीडिया पर फोटो शेयर करी ने बीजेपी पर साधेया निशाणा

पेट्रोल डीजल रे दामां च होदी बढ़ोतरी जो विपक्ष उप चुनावां च मुद्दा बनाई कर बीजेपी पर निशाना साधा दा है. विधायक विक्रमादित्य सिंह ए सोशल मीडिया पर बाकायदा पेट्रोल पंप पर खड़े होई ने फोटो शेयर कीती कन्ने लोकां ते सोची समझी करी ने वोट देणे री अपील कीती. फोटो च विधायक विक्रमादित्य सिंह पेट्रोल कन्ने डीजल रे दामां री ओर इशारा करी ने अपील कीती कि अपणा वोट सोची समझी ने ही दें.

जय श्री राम रे जयकारेयां ने गूंजी घाटी, भगवान रघुनाथ री रथयात्रा ते अंतरराष्ट्रीय दशहरा उत्सव रा आगाज

कुल्लू रे अंतरराष्ट्रीय दशहरे रा आगाज भगवान रघुनाथ री रथयात्रा रे कन्ने होई गया है. सात दिनां तक चलणे आले कुल्लू दशहरा च इस बारी 200 ते ज्यादा देवी-देवता पहुंचे हन. शुक्रवार प्यागा ते ही रघुनाथ री नगरी सुल्तानपुर च देवी-देवतेयां रे आणे रा सिलसिला जारी रेहा. रथ यात्रा च प्रदेश रे राज्यपाल राजेंद्र विश्वनाथ अर्लेकर भी शामिल होए.

उपचुनाव: जुब्बल-कोटखाई च भाजपा री बढ़ी मुश्किलां, सामूहिक इस्तीफे

पूर्व मंत्री नरेंद्र बरागटा रे बेटे चेतन बरागटा रे जुब्बल-कोटखाई उपचुनाव च निर्दलीय उतरने ते भाजपा री मुश्किलां बढ़ती ही जादी. चेतन बरागटा रे समर्थन च जुब्बल-कोटखाई भाजपा मंडल रे तमाम पदाधिकारियां ए अपने पदां ते इस्तीफे दे दिते हन. इनां च जुब्बल-कोटखाई भाजपा मंडल रे अध्यक्ष गोपाल जबैइक भी शामिल हन. उपचुनाव च चेतन बरागटा जो टिकट न देणे से पदाधिकारियां च भारी आक्रोश देखेया जादा.

दुर्गा पूजा रे लास्ट दिन बिलासपुर नी पहुंची पाए बीजेपी रे राष्ट्रीय अध्यक्ष जेपी नड्डा

बीजेपी राष्ट्रीय अध्यक्ष जेपी नड्डा (BJP National President JP Nadda ) पहली बार दुर्गा पूजा रे लास्ट दिन बिलासपुर नी पहुंची पाए. हालांकि नवरात्रेयां च होर लास्ट दिन शोभा यात्रा च जेपी नड्डे रे परिवार रे सदस्य विशेष रूप ते मौजूद रहे. अंतिम दिन शोभा यात्रा च जेपी नड्डा खुद पैदल चलदे होए गोबिंद सागर झील च जाई ने विसर्जन करां थे.

शिमला माल रोड पर फिरी हुड़दंग, पुलिस करा दी पूछताछ

पहाड़ां री राजधानी शिमला च माल रोड पर शुक्रवारा जो फिरी हुड़दंग रा मामला सामणे आया. इस दौरान दो गुट आपस च किसी गला जो लेई ने भिड़ी गए. पुलिस ए कुछ लोकां जो पकड़ेया कन्ने पूछताछ करी ने पता लगाया जादा कि विवाद री वजह क्या रेही.

घरवालिया री हत्या रे आरोपी युवका जो शिमला पुलिस ए सोनीपत ते कितेया गिरफ्तार

सितंबर महीने री 25 तारीका जो हरियाणे ते शिमला घूमने आई जनांना जो घरवाले ए सिरा पर किसी भारी चीजा ने वार करी ने घायल करी दितेया था. जनांना री 12 अक्टूबर जो पीजीआई च इलाज रे दौरान मौत होई गई है. वहीं, घरवालिया री हत्या रे आरोपी जो शिमला पुलिस ए हरियाणे रे सोनीपत ते गिरफ्तार करी लेया है.

कांग्रेस लीगल सेल रा BJP सरकारा पर आरोप, सीएम कार्यालय ते कर्मचारियां जो मिला दी धमकियां

हिमाचल च उपचुनाव री तारीख नजदीक आणे रे कन्ने ही प्रदेश च आरोप-प्रत्यारोप रा दौर शुरू होई गेया है. कांग्रेस लीगल सेल रे अध्यक्ष (President of Congress Legal Cell) आईएन मेहता ए मुख्यमंत्री कार्यालय च कार्यरत कर्मचारियां जो धमकाणे रे आरोप लगाए हन. आईएन मेहता ए केहा कि चुनाव आयोग जो हुण तक 12 शिकायतां दीती गई हैं, लेकिन हाले तक तिनां पर संज्ञान नी लितेया गया है.

शानन पावर प्रोजेक्ट जल्द हिमाचल रा होणा: CM जयराम ठाकुर

मुख्यमंत्री जयराम ठाकुर ए जोगिंदर नगर, झटिंगरी कन्ने बल्ह विधानसभा रे सयोली व लेदा च चुनावी सभां जो संबोधित कितेया. इस दौरान तिनें केहा कि, जल्द समय आणा जाली शानन पावर प्रोजेक्ट हिमाचल रा होणा. वहीं, तिनें कांग्रेसी नेतेयां पर भी जुबानी हमला बोलेया कन्ने केहा कि, प्रचार लेई हिमाचल च कांग्रेस रे बल कोई नेता ही नी है जिस करी ने तिनां जो बाहरा ते प्रचारक बुलाने पैदे.

करसोग च प्रतिभा सिंह बोलीं- इक-इक वोट कांग्रेस री झोलिया च जाणा

मंडी लोकसभा उपचुनाव लेई करसोग च चुनावी रैली च कांग्रेस प्रत्याशी प्रतिभा सिंह ए भाजपा सरकारा पर जमी ने निशाणा साधा. तिनें केहा कि वीरभद्र सिंह रे किते विकास कार्यां ऋण चुकाई ने एक-एक वोट कांग्रेस री झोलिया च पाणा.

मणिकर्ण च राज्य स्तरीय महिला बॉक्सिंग प्रतियोगिता रा आगाज, 70 खिलाड़ी लेदे हिस्सा

मणिकर्ण च आयोजित होदी राज्यस्तरीय महिला बॉक्सिंग प्रतियोगिता (state level women's boxing competition) रा शुभारंभ पूर्व मंत्री सत्य प्रकाश ठाकुर ए कितेया. दो दिवसीय इस प्रतियोगिता च प्रदेश भर ते आए 70 ते ज्यादा खिलाड़ी भाग लेदे. वहीं, जिनां खिलाड़ियां बेहतर प्रदर्शन करना तिनां रा चयन राष्ट्रीय स्तर री प्रतियोगिता लेई होणा.