हमीरपुर-ऊना रेलवे लाइन बणी ने रेहणी: अनुराग ठाकुर

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

अपना अध्यक्ष नी चुन पादी कांग्रेस पार्टी, आखिर किस गल रा डर: अनुराग ठाकुर

केंद्रीय मंत्री अनुराग ठाकुर अपने गृह जिले हमीरपुर रे दौरे पर हन. रविवारा जो पत्रकारां ने चर्चा रे दौरान तिनें कांग्रेस पार्टीया पर निशाना साधेया. केंद्रीय मंत्री ए केहा कि कांग्रेस पार्टी अपना अध्यक्ष तक चुनी नी पादी है. गांधी परिवार ते बाहर सैं सोचदे नी ए. क्या कांग्रेस च ऐड़ा कोई नी है जो पार्टी रा अध्यक्ष बनणे रे काबिल हो. वहीं, केंद्रीय मंत्री अनुराग ठाकुर ए हिमाचल च होणे वाले उपचुनाव च बीजेपी री जीत रा दावा कितेया है.

CM जयराम रा MLA आशा कुमारी पर पलटवार, केहा: जमानता पर चला दे नेता करा दे बड्डी-बड्डी गलां

बरयारा च चुनावी जनसभा रे दौरान सीएम जयराम ठाकुर ए कांग्रेस विधायक आशा कुमारी रे बयाना पर पलटवार कितेया है. सीएम ए केहा कि जमानता पर चला दे नेता बड्डी-बड्डी गलां करा दे हन. कांग्रेस री विधायक आरोप लगा दी हैं कि अहें नारी शक्ति जो कमजोर कन्ने मजबूर दसेया है. जबकि खुद प्रतिभा सिंह ए अपणे संबोधनां च इस गल जो केहा है कि तिनां जो चुनाव च जबरन धकेलेया गया है कन्ने वे मजबूरी च चुनाव लड़ा दी.

कुंजुम दर्रा च होदी बर्फबारी च फंसे दिल्ली कन्ने आंध्र रे सैलानी, स्थानीय लोकें कितेया रेस्क्यू

लाहौल स्पीति च मौसम खराब होणे री वजह ते प्यागा ते ही पहाड़ां पर बर्फबारी होदी है. वहीं, दिल्ली कन्ने आंध्र प्रदेश ते काजा घूमणे गए सात पर्यटक वापस मनाली लौटदे टाइम कुंजुम दर्रे च फंसी गए. जिनां रा स्थानीय ग्रामीणें रेस्क्यू कितेया है. ग्रामीणें रेस्क्यू रा इक वीडियो जिला प्रशासन जो भेजेया है.

रसोई तक पहुंची महंगाई री मार, राजधानी शिमला च 80 रुपये किलो बिका दा टमाटर

राजधानी शिमला च महंगी सब्जियें गृहणियां री रसोई रा बजट बिगाड़ी दितेया है. लोक बाजार च ज्यादा सब्जी री जगह हुण आधा-आधा किलो सब्जियां खरीददे होए नजर आदे हन. राजधानी च 20 रुपये किलो बिकणे आला टमाटर हुण 80 रुपये रे हिसाब ते बिका दा है. वहीं, अन्य सब्जियां रे रेटां च भी 20 ते 30 फीसदी री बढ़ोतरी देखी जादी.

रोहतांग दर्रे च होई सीजन री पेहली बर्फबारी, सफेद फाहेयां रे बीच झूमे टूरिस्ट

कुल्लू कन्ने लाहौल स्पीति जो जोड़ने वाले रोहतांग दर्रे च सीजन री पहली बर्फबारी होई है. बर्फबारी रा आनंद उठाणे लेई सैलानी दर्रे रा रुख करा दे हन. आसमान ते बर्फ रे फाहे पौंदे देख देश कन्ने दुनिया ते दर्रे पर पहुंचे सैलानियां रे चेहरे खुशी ते चहकी उठे. वहीं, पहाड़ियां पर होई ताजा बर्फबारी रे चलदे कुल्लू रा मौसम भी ठंडा होई गया है कन्ने लोक गर्म कपड़े पहनणे लेई मजबूर होई गए हन.

हिमाचल च नी थमणे HRTC बसां रे टायर, परिवहन सचिव रे आश्वासन रे बाद कर्मचारियें हड़ताल लीती वापस

हिमाचल प्रदेश च सोमवारा जो होणे वाली एचआरटीसी कर्मचारियां री हड़ताल टली गई है. ऐसे च हुण प्रदेशभर च एचआरटीसी री बसां चलदी रेहणी. परिवहन सचिव रे आश्वासन रे बाद हिमाचल पथ परिवहन संयुक्त समन्वय समिति ए हड़ताल स्थगित कीती है. वित्तीय लाभ नी मिलणे ते नाराज एचआरटीसी रे ड्राइवरें कन्ने कंटक्टरें इक दिन हड़ताल पर रेहणे रा ऐलान कितेया था.

बिहार रे स्वास्थ्य मंत्री ए कार्यकर्ताआं च भरेया जोश, बोले: हिमाचल ने मेरा खास लगाव

प्रदेश रे पूर्व बीजेपी प्रभारी मंगल पांडेय ए केहा कि मेरा हिमाचल ने काफी लगाव है. कार्यकर्ताआं ते मिलणे रा मन करा दा था. मिजों ते रेहा नी गया, तां हिमाचल आई गया. पांडेय ए केहा कि 4 साल पहले जो कसर चुनाव जीतणे च रही गई थी, तिसो इस बार पूरा करना है.

हमीरपुर-ऊना रेलवे लाइन कन्ने जाहू हवाई अड्डे रे निर्माण पर अनुराग ठाकुर रा बड्डा बयान

हमीरपुर-ऊना रेलवे लाइन कन्ने जाहू हवाई अड्डे रे निर्माण कमां जो लेई ने केंद्रीय मंत्री अनुराग ठाकुर ए बड्डा बयान दितेया है. अनुराग ठाकुर ए केहा कि फिलहाल तां जाहू च हवाई अड्डे रे निर्माण जो लेई ने कोई काम कन्ने योजना नी है. वहीं, अनुराग ठाकुर ए दावा करदे होए केहा कि हमीरपुर-ऊना रेलवे लाइन बणी ने रेहणी.

प्रदेश च होणे आले उपचुनाव च भाजपा रे खिलाफ काम करना सीटू आ: विजेंद्र मेहरा

मंडी च आयोजित सीटू राज्य कमेटी री बैठक च केंद्र कन्ने राज्य सरकार पर मजदूर विरोधी नीतियां लागू करने रा आरोप लगेया है. सीटू रे पदाधिकारियां रा केहणा है कि इनां नीतियां रा विरोध प्रदेश च होणे वाले उपचुनाव च देखणे जो मिलेणा. सीटू मजदूरां कन्ने आम जनता ते बीजेपी उम्मीदवारां रे खिलाफ मतदान करने रा अपील करनी.

शिमला व्यापार मंडल च हुण होणे दो प्रधान, धड़ेयां च बंटे व्यापार मंडल ए बनाई अपनी-अपनी कार्यकारिणी

शिमला व्यापार मंडल रे नाराज धड़े ए नई कार्यकारिणी री घोषणा करी दीती है. शहर च दूजे व्यापार मंडल री कमान संजीव ठाकुरा संभालणी. ऐसे च हुण शहर रे व्यापारियां जो ये समझ नी आदा है कि आखिर किस कार्यकारिणी जो मान्य मनेया जाए. वहीं, दोनां गुट ये दावा करदे आदे हन कि शहर रे व्यापारी तिनां रे कन्ने हैं.