बाजा अउ मोहरी के धुन म थिरक उठीस बिधायक गुलाब कमरो

गरियाबंद के मैनपुर म शनिवार के दिन राष्ट्रीय जनजातीय नाचा महोत्सव के संभाग स्तर म आयोजन करे गे रिहिस हे. आयोजन म रइपुर संभाग के चारो जिला धमतरी, महासमुंद, बलौदा बाजार अउ गरियाबंद ले आए 11 दल के कलाकार मन ह अपन नाचा गाना के माध्यम ले आदिवासी, रीत रिवाज अउ पूजा अर्चना ल प्रस्तुत करिस हे. जिन्हा बिधायक गुलाब कमरो ह बाजा अउ मोहरी के सुघर धुन म अपन पाव ला थिरके बर नइ रोक सकीस अउ अपन कनिहा म लइका ल उठा के आदिवासी महिला अउ पुरूष मन संग म जम के नाचत दिखिस. एकर बाद बिधायक गुलाब कमरो ह आदिवासी परंपरा के गाना ल अब्बड सुघ्घर ढ़ग ले मंच म खड़े होके गइस हे जेकर ले कार्यक्रम में आए लोगन मन हा रमिया गे.