राउर भाषा-राउर खबर, भोजपुरी में देखीं दिनभर के हाल

भोजपुरी में फटाफट देखीं बिहार के सगरी बड़हन खबर.

1. राजधानी नई दिल्ली के रानी झांसी रोड के अनाज मंडी में रविवार के तड़के 5 बजे आग लग गईल. ई घटना में अभी तक कुल 43 लोग के मौत के सूचना बा. ऐमें 21 लोग बिहार के बतावल जाता.

2. प्रधानमंत्री नरेन्द्र मोदी दिल्ली अग्नि कांड में मृतक सब के परिजन के प्रधानमंत्री राष्ट्रीय राहत कोष से 2-2 लाख रुपया के आर्थिक मदद देवे के घोषणा कईलन. साथ ही गंभीर रुप से घायल सब के 50,000 राशि देवे के ऐलान कईलन.

3. ब्राजील के राजदूत AA कोरिया पटना में मुख्यमंत्री नीतीश कुमार से मुलाकात कईलन. दुनों के बीच कृषि समेत कई अऊर मुद्दा पर बातचीत भईल.

4. BJP के प्रदेश अध्यक्ष संजय जायसवाल समेत कुल 9 लोग पर 2019 के लोकसभा चुनाव के दौरान लोग के भड़कावे के आरोप लगल रहे. ई मामला में कोर्ट वारंट जारी कईले बा.

5. नई दिल्ली में भईल अग्नीकांड के पीड़ित परिवार से समस्तीपुर के सांसद प्रिंस राज अऊर विधायक राजू तिवारी मिलेलन. हर संभव मदद देवे के आश्वासन देलन.

6. दरभंगा में जेडीयू से विधायक अमरनाथ गामी ने बिहार से अलग मिथिला राज बनाए के मांग उठाईलन. ऐकरा खातिर बिहार और केंद्र सरकार से लड़ाई के आह्वान भी कईलन.

7. दरभंगा में 5 साल के बच्ची के साथ भईल दुष्कर्म मामला में पीड़ित बच्ची से बिहार राज्य महिला आयोग के अध्यक्ष दिलमणि मिश्रा मिलली. ऐ दौरान अस्पताल उकंरा लचर कुव्यवस्था खातिर आक्रोश के सामना करे के पड़ल.

8. औरंगाबाद में बिहार के पूर्व मुख्यमंत्री जीतन राम मांझी बिहार सरकार पर जमके हमला बोललन. कहलन कि बिहार में कानून व्यवस्था बिगड़ गईल बा. पिछला 39 सालों में सबसे खराब स्थिति आज के हालात बा.

9. कांग्रेस के प्रदेश अध्यक्ष मदन मोहन झा दुष्कर्म के बढ़ रहल घटना पर राज्य सरकार पर हमला बोललन. कहलन कि बिहार में सिर्फ अपराधी सब के बोलबाला बा. पुलिस सिर्फ मूकदर्शक बनल बा.

10.HAM प्रवक्ता विजय यादव पॉर्न बेवबाइट के कारण बढ़ रहल दुष्कर्म पर CM नीतीश कुमार के बयान के समर्थन कईलन. कहलन कि नीतीश कुमार के पार्क में हो रहल हरकत पर भी नजर रखे के चाही.

11. पटना में BJP कार्यालय में विधानसभा चुनाव के लेके पार्टी के बैठक भईल. बैठक के अध्यक्षता बिहार प्रभारी भूपेंद्र यादव कईलन.

12. समस्तीपुर जिला में अधजली युवती के शव मिले मामला में DSP महिला आयोग के टीम के साथ बैठक कइलन. साथ ही टीम के पोस्टमार्टन रिपोर्ट सौंपलन.

13. किशनगंज में अपराधी सब एगो ड्राइवर के गोली मार कर घायल कर देलस. घायल के इलाज अस्पताल में चल रहल बा.

14. कैमूर के कुदरा थाना क्षेत्र में अपराधी सब हथियार के दम पर 64 बोरी लहसून लूट लेलन सब. पुलिस छानबीन में जुटल गईल बा.

15. भागलपुर में बढ़ रहल मंहगाई के विरोध में केंद्र सरकार के खिलाफ महिला कांग्रेस कमेटी प्रतिवाद मार्च निकालस. साथ ही कार्यकर्ता लोग केंद्र सरकार के विरोध में जमके नारेबाजी कइलस.