વિદ્યાર્થીઓને ડોક્યુમેન્ટ જમા કરાવવા માટે MS યુનિવર્સિટીએ ઉભી કરી ડ્રોપ બોક્સની સુવિધા - submit documents

વડોદરા : MS યુનિવર્સિટીના વાણિજ્ય ડિપાર્ટમેન્ટમાં પ્રવેશ મેળવાનો બાકી હોય તેવા 1500 વિદ્યાર્થીઓને ડોક્યુમેન્ટ જમા કરાવવા માટે જણાવાયું હતું. કોરોના મહામારીને ધ્યાનમાં રાખી MS યુનિવર્સિટી દ્વારા આ માટે ડ્રોપ બોક્સની સુવિધા ઉભી કરવામાં આવી હતી. ઉલ્લેખનીય છે કે, અત્યાર સુધી 6,500 જેટલા વિદ્યાર્થીઓને પ્રવેશ આપી દેવાયો છે, જ્યારે જે વિદ્યાર્થીઓના ડોક્યુમેન્ટ જમા કરાવવાના બાકી તેવા 1500 જેટલા વિદ્યાર્થીઓને બીજી તક આપવામાં આવી છે. આવા વિદ્યાર્થીઓને MS યુનિવર્સિટીએ તારીખ 9 ઓક્ટોબર સુધીમાં કોમર્સ ફેકલ્ટીની મેઇન બિલ્ડિંગ ખાતે ખૂટતા ડોક્યુમેન્ટ જમા કરાવવાની તાકીદ કરી હતી.