નીરજે સિલ્વર જીત્યા બાદ ગામમાં ઉજવણી, માતાએ કહ્યું- હું 'ચુરમાં'થી પુત્રનું સ્વાગત કરીશ - neeraj chopra final match

પાનીપતઃ નીરજ ચોપરાએ યુએસએના યુજેનમાં 18મી વર્લ્ડ એથ્લેટિક્સ ચેમ્પિયનશિપમાં (neeraj chopra wins silver) ભાલા ફેંકની ફાઇનલમાં સિલ્વર મેડલ જીત્યો છે. નીરજે વર્લ્ડ એથ્લેટિક્સ ચેમ્પિયનશિપમાં ભાલા ફેંકની ફાઇનલમાં 88.13 મીટરના શ્રેષ્ઠ પ્રયાસ સાથે સિલ્વર મેડલ જીત્યો છે. નીરજ આ ઈવેન્ટમાં મેડલ જીતનાર પ્રથમ ભારતીય બની ગયો છે. અગાઉ 2003માં લોંગ જમ્પર અંજુ બોબી જ્યોર્જે વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો. નીરજે વર્લ્ડ એથ્લેટિક્સ ચેમ્પિયનશિપમાં જેવલિન થ્રોની ફાઇનલમાં ભારતને સિલ્વર મેડલ જીતાડીને 19 વર્ષ પછી મેડલના (World Athletics Championships) દુકાળનો અંત લાવ્યો હતો. નીરજ સિલ્વર જીતતાની સાથે જ પાણીપતમાં ઉજવણીનો માહોલ છે. નીરજની આ સફળતા પર (World Athletics 2022) તેનો પરિવાર અને ગ્રામજનો ડાન્સ કરીને ઉજવણી કરી રહ્યા છે. લોકોને લાડુ ખવડાવવામાં આવી રહ્યા (neeraj chopra final match) છે. ખંડારા ગામમાં સવારે મેચ શરૂ થતાં જ ગામનો દરેક માણસ LED પર મેચ નિહાળતો જોવા મળ્યો હતો. ડેપ્યુટી કમિશનર સુશીલ સરવન પણ ઘટનાસ્થળે પહોંચ્યા હતા અને ઉજવણીમાં ભાગ લીધો હતો. નીરજે છેલ્લો ભાલો ફેંકતાની સાથે જ એવું લાગતું હતું કે, આ ભાલો નીરજ નહીં પણ હાજર રહેલા દરેક વ્યક્તિએ ફેંક્યો હતો.