દીલ દહેલાવનારો વીડિયો: સામાન્ય ઝઘડામાં કારે બાઇકચાલકને ઉડાવી દીધો - Delhi road accident
નવી દિલ્હી: અરજણગઢ મેટ્રો સ્ટેશન પાસે ઉગ્ર દલીલ બાદ કાર ચાલકે બાઇકચાલકને ટક્કર મારી (road rage in delhi) હતી. ટક્કર બાદ બાઇકચાલક સીધો રોડની નજીક આવેલી રેલિંગ સાથે અથડાયો હતો. હકીકતમાં, દિલ્હીના અરજણગઢ મેટ્રો સ્ટેશન પાસે એક બાઇકર જૂથ અને કારના ડ્રાઇવર વચ્ચે દલીલ થઈ હતી. થોડીવાર સુધી ચાલેલી ચર્ચામાં બંને પક્ષો દ્વારા અપશબ્દોનો ઉગ્ર ઉપયોગ કરવામાં આવ્યો હતો, જે બાદ બાઇકચાલક જૂથ આગળ વધ્યું હતું. અચાનક પાછળથી કારમાં સવાર યુવક તેજ સ્પીડમાં આવે છે અને બાઇકચાલકને ટક્કર મારીને ભાગી જાય (delhi hit and run) છે. ટક્કર એટલી જોરદાર હતી કે બાઇકચાલક તરત જ રોડ પર ખેંચાતા રેલિંગમાં ઘૂસી ગયો હતો અને તેને સામાન્ય ઇજાઓ થઇ હતી. સદનસીબે, બાઇકચાલકે હેલ્મેટ પહેર્યું હતું, જેના કારણે તે ટક્કર (Delhi road accident) બાદ પણ સુરક્ષિત રીતે ઊભો રહ્યો. જો બાઈક ચાલકે હેલ્મેટ પહેર્યું ન હોત તો ઘટના જીવલેણ સાબિત થઈ શકી હોત. હાલ પોલીસનું કહેવું છે કે તેમણે આ મામલાની નોંધ લીધી છે અને તપાસ કરવામાં આવી રહી છે.