પોરબંદરમાં ભારે વરસાદના લીધે જર્જરિત મકાન ધરાશાયી, કોઈ જાનહાની નહીં

પોરબંદરઃ જિલ્લામાં ભારે પવન અને વરસાદના કારણે ઠેર ઠેર પાણી ભરાયા હતા. ભારે વરસાદને કારણે પોરબંદરમાં ભાટિયા બજારમાં આવેલુ જર્જરિત મકાન પડી ગયું હતું. મકાન પડવાના કારણે 2 બાઈક અને 1 સાઈકલને નુકસાન થયું હતું. મકાન પડવાના સમાચાર મળતા જ ફાયરબ્રિગેડની ટીમ ઘટના સ્થળે પહોંચી હતી, પરંતુ કોઇ જાનહાની ન થતા લોકોએ રાહતનો શ્વાસ લીધો હતો. જિલ્લામાં આગામી સમયમાં વધુ વરસાદ અને પવનની આગાહી હોવાથી કોઇ નુકસાન ન થાય અને જાનહાનિ ન થાય તે માટે NDRFની ટીમ પણ પોરબંદર પહોંચી હતી.