મોરબીના રામધન આશ્રમ ખાતે યોજાયો સ્વ. કવિ જુગતરામ વ્યાસ રચિત ‘જુગત કાવ્ય ઝરણી’ પુસ્તક વિમોચન કાર્યક્રમ

મોરબી: મોરબી તાલુકાના વિરપરડા ગામનાં સ્વ. કવિ જુગતરામ મણીશંકર વ્યાસ રચિત ‘જુગત કાવ્ય ઝરણી’ નામના 700 પાનાના પુસ્તકના વિમોચનનો કાર્યક્રમ મોરબીના મહેન્દ્રનગરના રામધન આશ્રમ ખાતે યોજવામાં આવ્યો હતો. નકલંક મંદીર-બગથળાના મહંત પુ. દામજી ભગતના હસ્તે વિમોચન કરવામાં આવ્યું હતું. આ પુસ્તક વિમોચનનો કાર્યક્રમ હંસરાજ છગનભાઈ ગામી અને ડૉ. શિવધન જુગતરામ વ્યાસ (લેખક- કવિ) દ્વારા યોજવામાં આવ્યો હતો. આ પુસ્તક લોકો માટે ખુબ જ ઉપયોગી છે તેમજ આજના ટેન્શનના યુગમાં દરેક માણસ ટેન્શનમાં જીવે છે, ત્યારે એક મિનિટ પણ આ પુસ્તક વાચી લે તો ટેન્શન દુર થાય છે.