ગોધરા: વેલેન્ટાઈન ડે, પર્વને લઇને ગિફ્ટ શોપમાં અવનવી વેરાયટીઓનું વેચાણ - વેલેન્ટાઈન ડે

પંચમહાલઃ 14મી ફેબ્રુઆરીનો દિવસ સમગ્ર દુનિયામાં વેલેન્ટાઈન ડે તરીકે ઉજવાય છે. યુવાઓ માટે આ દિવસનું ખાસ આકર્ષણ હોય છે. આ દિવસે યુવાઓ પોતાના પ્રિયપાત્રને મનગમતી ભેટ આપીને પોતાના પ્રેમને અભિવ્યકત કરતા હોય છે. ગોધરા શહેરમાં આવેલી ગિફ્ટ આર્ટિકલની દુકાનોમાં અવનવી વેરાયટીનું વેચાણ થઈ રહ્યું છે. વેપારીઓનું કહેવું છે કે, આ વખતે ચીજવસ્તુઓનું વેચાણ ઓછું થયું છે અને જે વેરાયટીઓ છે. તેમના પણ ભાવમાં વધારો જોવા મળી રહ્યો છે. પણ યુવાહૈયાઓમાં વેલેન્ટાઈન ડે ને ઉજવવા થનગનાટ જોવા મળી રહ્યો છે.