પાટણમાં સાદગીપૂર્ણ રીતે નાગ પાંચમની ઉજવણી કરવામાં આવી - પાટણના તાજા સમાચાર
પાટણ: શ્રાવણ માસમાં લોકમેળાઓ, વ્રતો અને ધાર્મિક ઉત્સવોની હારમાળાઓ સર્જાય છે. ત્યારે ચાલુ વર્ષે કોરોના મહામારીને ધ્યાનમાં રાખી તમામ ધાર્મિક પ્રસંગો સાદગીપૂર્ણ રીતે ઉજવવાનો સરકાર દ્વારા આદેશ કરવામાં આવ્યો છે. જેથી પાટણ શહેરના તમામ ધાર્મિક તહેવારો કોઈપણ જાતના મેળાવડા વગર સાદગીપૂર્ણ રીતે ઉજવવામાં આવી રહ્યા છે. જે અંતર્ગત નાગપંચમીના પવિત્ર દિવસે પંચાસર ચોકમાં આવેલા વડવાળા નાગ દેવતાના મંદિરે ભાવિક ભક્તોએ સોશિયલ ડિસ્ટન્સ સાથે નાગ પાંચમની ઉજવણી કરી હતી.