'મહા' ચક્રવાતનો સંકટ: પ્રવાસીઓ માટે દરિયા કિનારા બંધ કરાયા, 32 ગામોને આપ્યું એલર્ટ

નવસારીઃ મહા નામનું વાવાઝોડુ ગુજરાત તરફ આવી રહ્યું છે. તેના ભાગરૂપે જિલ્લા વહીવટી તંત્ર એલર્ટ થયું છે. NDRFની ટીમને પણ તૈનાત કરાઇ છે. કોઈ અનિચ્છનીય ઘટના ન બને, તે માટે દરિયા કિનારે ફરવા કે ટહેલવા જવા પર પ્રતિબંધ મુકવામાં આવ્યો છે. સતત ગભરાટ કરાવી રહેલું આ મહા વાવાઝોડું 7 નવેમ્બરની સાંજે ટકરાશે. ત્યારે તેને લઈને 52 કિલોમીટરના દરિયા પર ચાંપતી નજર રાખવામાં આવી રહી છે. આ ચક્રવાત અરબી સમુદ્રમાં તોફાન મચાવી રહ્યું છે. જિલ્લા તંત્ર પણ એલર્ટ થઈ ગયું છે. જેના ભાગરૂપે દરિયા કાંઠાના 32 ગામના લોકોને તકેદારીના ભાગરૂપે તમામ સૂચનાઓ આપી દેવામાં આવી છે.