સુરેન્દ્રનગરના ધ્રાંગધ્રા અને લીમડી તાલુકાના રણકાંઠાના ગામોમાં તીડનું આક્રમણ - Locust terror in desert areas

સુરેન્દ્રનગરઃ જિલ્લાના ધ્રાંગધ્રા અને લીમડી તાલુકાના રણકાઠાના ગામોમાં મોટી સંખ્યામાં તીડના ઝુંડ દેખાયા હતાં. ધ્રાંગધ્રા તાલુકાના કુડા, કોપરણી, નરાળી, નિમકનગર, સજ્જનપુર, ઘનશ્યામગઢ, એજાર, સતાપર તેમજ રણવિસ્તારમાં આ તીડ જોવા મળ્યા છે, તેમજ લીમડી તાલુકાના શિયાણી સહિતના ગામોમાં પણ તીડના આક્રમણના કારણે ખેડૂતો મુશ્કેલીઓમાં મુકાયા છે. ખેડૂતોને ઉનાળા પાકનુ નુકસાન થવાની ભીતિ દેખાઈ રહી છે. તંત્ર દ્વારા આ વિસ્તારના ખેતરમાં દવાનો છંટકાવ કરવામાં આવી રહ્યો છે, સાથે ખેડૂતોને માર્ગદર્શન પણ આપવામાં આવી રહ્યું છે. ત્યારે ખેડૂતો થાળી વગાડીને તીડને દૂર કરી રહ્યા છે.