નડીયાદમાં ભાજપે 43 બેઠક પર વિજય મેળવ્યો

ખેડાઃ નડીયાદ નગરપાલિકામાં ભાજપે વિજયનું પુનરાવર્તન કર્યું છે અને પોતાની સત્તા જાળવી રાખી છે. જ્યારે કોંગ્રેસ માત્ર એક જ બેઠક પર સમેટાઈ ગઈ છે. જિલ્લાના મુખ્યમથક નડીયાદની નગરપાલિકા માટે યોજાયેલી સામાન્ય ચૂંટણીના પરિણામો જાહેર થઈ ચૂક્યા છે. જેમાં નડીયાદ નગરપાલિકાની કુલ 52 બેઠકોમાંથી 43 બેઠકો પર ભાજપે વિજય મેળવ્યો છે. અપક્ષ ઉમેદવારોના ફાળે 8 બેઠકો ગઈ છે. જ્યારે કોંગ્રેસ માત્ર એક જ બેઠક પર સીમિત થઈ ગઈ છે. ભાજપના વિજયને પગલે વિજ્યોત્સવની ઉજવણી કરવામાં આવી રહી છે.