સગીરાને દુષ્કર્મી શિક્ષકથી બચાવવાની વાત કહી ત્રણ યુવકે પણ સગીરા સાથે કર્યું કૃત્ય

જૂનાગઢમાં માળિયાહાટીના તાલુકાના ગડુ ગામમાં સગીરા પર આભ તૂટી પડ્યું હતું. કારણ કે, અહીં ધોરણ 8માં અભ્યાસ કરતી એક વિદ્યાર્થિની પર તેના જ શિક્ષકે દુષ્કર્મ આચર્યું હતું. ત્યારે આ વાતની અન્ય ત્રણ યુવકને જાણ થતા ત્રણેય યુવકે સગીરાને શિક્ષકથી બચાવવાની વાત કહી હતી. ત્યારબાદ આ સગીરાને ત્રણેય યુવક ભોગ બનાવી હતી. એટલે કે આ ચારેય આરોપીઓ છેલ્લા 2 વર્ષથી પણ વધુ સમયથી સગીરા સાથે દુષ્કર્મ કરતા હતા. તો આ મામલે સગીરાએ હવે ચોરવાડ પોલીસ સ્ટેશનમાં ફરિયાદ નોંધાવી છે. સગીરાએ શિક્ષકની જાળમાંથી બચવા ત્રણ યુવક પર વિશ્વાસ મુક્યો તો આ ત્રણેય યુવકે પણ સગીરા સાથે દુષ્કર્મ કર્યું હતું. આ વાત જાણીને પોલીસ પણ ચોંકી ઉઠી હતી. જોકે, પોલીસે આરોપીઓને પકડવા અલગ અલગ ટીમ બનાવી છે.