કાંકરિયા કાર્નિવલમાં ગીતા રબારીએ કર્યું પર્ફોમ, મેયર બીજલ પટેલ ઝુમ્યા ગરબે

અમદાવાદ: અમદાવાદીઓનો મનપસંદ તહેવાર એટલે કાંકરિયા કાર્નિવલ. ગત 11 વર્ષથી અમદાવાદ મ્યુનિસિપલ કોર્પોરેશન દ્વારા યોજાતા કાર્નિવલમાં વિવિધ કલાકારો આવીને લોકોને મનોરંજન પૂરૂં પાડતા હોય છે. 2019નો કાર્નિવલ 25 ડિસેમ્બરના રોજ શરૂ કરી દેવામાં આવ્યો છે અને 31 ડિસેમ્બર સુધી અમદાવાદીઓ અને બીજા લોકો તેનો લાહ્વો લઇ શકશે. ગુરૂવારના કાર્નિવલમાં લોક-ગાયીકા ગીતા રબારીએ પર્ફોમ કર્યું હતું અને પોતાના લયમાં લોકોને મંત્રમુગ્ધ કર્યા હતા. આ ઉપરાંત ગીતા રબારીના સૂરમાં અમદાવાદના મેયર બીજલ પટેલ પોતાને ગરબે ઝુમતા રોકી શક્યા નહોતા.