ભાજપના નવનિયુક્ત પ્રદેશ પ્રમુખ સી.આર.પાટીલ શનિવારે અરવલ્લી જિલ્લાની મુલાકતે આવવાના હોવાથી ભાજપના નેતાઓ અને કાર્યકરોમાં ઉત્સાહ જોવા મળી રહ્યો છે. પ્રદેશ પ્રમુખ રાષ્ટ્રીય ધોરી માર્ગ નં 8 પર આવેલી રાજેન્દ્રનગર ચોકડીથી અરવલ્લી જિલ્લામાં પ્રવેશ કરશે અને મોડાસા કોલેજ સુધી રેલીનું આયોજન કરવામાં આવશે. અંદાજીત 28 કિલોમીટર લાંબી રેલી દરમ્યાન તેઓ લોકોનું અભિવાદન કરશે. આ મુલાકાતને લઈને ભાજપના નેતાઓ અને કાર્યકરોમાં ભારે ઉત્સાહ જોવા મળી રહ્યો છે.