જ્યોતિર્લિંગ નાગેશ્વર મંદિરમાં મહા શિવરાત્રિની ધામધૂમથી ઉજવણી - શિવરાત્રીની ઉજવણી

દેવભૂમિ દ્વારકા: મહાશિવરાત્રીના પાવન પ્રસંગે નાગેશ્વર જ્યોતિર્લિંગમાં ભક્તોની ભારે ભીડ જોવા મળી હતી. ભારતના કુલ 12 જ્યોતિર્લિંગમાંથી મુખ્ય 2 જ્યોતિર્લિંગ ગુજરાતમાં આવેલાં છે. પ્રથમ નંબરે સોમનાથ મહાદેવ અને બીજા નંબરે નાગેશ્વર જ્યોતિર્લિંગનું મહત્વ છે. શિવરાત્રીના પાવન પર્વ નિમિત્તે આજે નાગેશ્વર જ્યોતિર્લિંગમાં મંદિરના પૂજારીઓ દ્વારા સવારે 5 વાગ્યે મુખ્ય આરતી કરવામાં આવી હતી. ત્યારબાદ ગુજરાત અને ગુજરાત બહારથી આવેલા ભક્તોએ ભાવવિભોર થઇ ભગવાન નાગેશ્વર મહાદેવ શિવલિંગ ઉપર જળ, દૂધ અને ગંગાજળનો અભિષેક કર્યો હતો.