ભરૂચમાં વધુ એક SRP જવાને કોરોના સામે જંગ જીતી

ભરૂચઃ જિલ્લામાં તેમજ શહેરમાં કોરોનાના કેસ ઘટી રહ્યાં છે, તો સાથે જ દર્દીઓ પણ સ્વસ્થ થઇ રહ્યાં છે. ગુરુવારે એસ.આર.પી.ના એક જવાને કોરોના સામે જંગ જીત્યા બાદ શુક્રવારે વધુ એક જવાનને અંકલેશ્વરની જયાબહેન મોદી કોવિડ હોસ્પિટલમાંથી રજા આપવામાં આવી છે. એસ.આર.પી.જવાન અરવિંદ પટેલ ફરજ માટે અમદાવાદ ગયા હતા ત્યાં તેઓને કોરોનાનું સંક્રમણ લાગ્યું હતું, આથી તેઓને જયાબહેન મોદી હોસ્પિટલમાં સારવાર અર્થે ખસેડવામાં આવ્યા હતા. શુક્રવારે હોસ્પિટલ સ્ટાફે તેઓને તાળીઓના અભિવાદન સાથે ઘરે રવાના કર્યા હતા.