હળવદ હાઈવે પર તેલ ભરેલું ટેન્કર પલટી, લોકોએ કરી તેલની લૂંટ

મોરબી: હળવદ માળિયા હાઈવે પર તેલ ભરેલું ટેન્કર પલટી મારી ગયું હતું. ટેન્કર પલટી ગયા બાદ ટેન્કરમાંથી તેલ ઢોળાઈ જતા આસપાસના રહીશોએ વાસણ લઈને તેલની લૂંટ મચાવી હતી. જે અંગે હળવદ પોલીસને જાણ કરવામાં આવતા હળવદ પોલીસે સ્થળ પર જઈને સ્થિતિ પર કાબુ મેળવ્યો હતો. ટોળાને વિખેરવાની કાર્યવાહી હાથ ધરી હતી. આ ટેન્કર કંડલાથી પામોલીન તેલ ભરીને મહારાષ્ટ્ર જતું હોવાની માહિતી પ્રાપ્ત થઇ હતી.