રાજકોટની કેમિકલ ફેક્ટરીમાં લાગી આગ, કોઈ જાનહાની નહિ - 12 જૂનના સમાચાર

રાજકોટઃ કોઠારિયા સોલ્વન્ટ ઇન્ડસ્ટ્રીઝ વિસ્તારમાં આવેલી કેમિકલ ફેક્ટરીમાં અચાનક ભયાનક આગ લાગી ઉઠી હતી. કેમિકલ ફેક્ટરીમાં આગ લાગતા આસપાસના વિસ્તારમાં થોડા સમય માટે દોડધામ મચી જવા પામી હતી. જોકે આ અંગેની જાણ ફાયર બ્રિગેડને થતા તાત્કાલિક ફાયર વિભાગનો સ્ટાફ ઘટના સ્થળે પહોંચ્યો હતો અને આ આગ પર કાબૂ મેળવ્યો હતો. આ આગ લાગવાની ઘટનામાં અંદાજીત ફેક્ટરીમાં રહેલા 2થી 3 કરોડ રૂપિયાનો માલ બળીને ખાખ થયો હતો. જ્યારે, સદનસીબે મોટી કોઈ જાનહાનીના સમાચાર મળ્યા ન હતા.