ગાંધીધામમાં રહેતા રાજસ્થાની પરિવારને નડ્યો અકસ્માત, એક જ પરિવારના 4 સભ્યોના મોત
રાજસ્થાન: બાલોતરામાં નેશનલ હાઈવે નંબર-68 પર ક્રેટા, ટ્રક, બોલેરો અને ટ્રેલર વચ્ચે ગમ્ખવાર અકસ્માત સર્જાયો હતો. આ અકસ્માતમાં એક જ પરિવારના 4 લોકોનાં મોત થયાં છે. ગુજરાતના ગાંધીધામમાં રહેનારો એક પરિવાર પોતાના સંબંધીના નિવાસ સ્થાને શોક સભામાં સામેલ થવા જઇ રહ્યો હતો, તે દરમિયાન અકસ્માત સર્જાતા એક જ પરિવારના 4 લોકોનું મોત થયું છે. આ અકસ્માત થવા પાછળ પોલીસ દ્વારા બેરિકેટ્સને જવાબદાર ગણવામાં આવે છે.