સ્થાનિક સ્વરાજની ચૂંટણીમાં 10:30 કલાકે રાજકોટની સ્થિતિ - rajkot election update

રાજકોટ:રાજ્યમાં સ્થાનિક સ્વરાજની ચૂંટણી માહોલ જામ્યો છે. રાજ્યની 81 નગરપાલિકા, 31 જિલ્લા પંચાયત અને 231 તાલુકા પંચાયતની આજે ચૂંટણી છે, ત્યારે રાજકોટ જિલ્લાના ખેરાડી ગામના મતદારોમાં ભારે ઉત્સાહ જોવાઈ રહ્યો છે. આ સાથે જ સવારે 10:30 કલાકે રાજકોટમાં 8 ટકા મતદાન નોંધાયું છે. ઉલ્લેખનીય છે કે, રાજકોટના 11 તાલુકા મથકમાં મતદાન થઇ રહ્યું છે. આજે 81 નગરપાલિકાના 680 વોર્ડની કુલ 2720 બેઠક, 31 જિલ્લા પંચાયતની 980 બેઠક અને 231 તાલુકા પંચાયતની 4,774 બેઠક પર મતદાન થઇ રહ્યું છે. જેની મતગણતરી 2 માર્ચે હાથ ધરવામાં આવશે. આ વખતેની ચૂંટણીમાં ભાજપ-કોંગ્રેસ મુખ્ય પક્ષની સાથે AAP, BSP અને AIMIM પણ ચૂંટણી લડી રહી છે. તમને જણાવી દઇએ કે, 81 નગરપાલિકાની કુલ 2720 બેઠકો પૈકી 95 બેઠકો, 31 જિલ્લા પંચાયતની 980 બેઠકો પૈકી 25 બેઠકો અને 231 તાલુકા પંચાયતની 4774 બેઠકો પૈકી 117 બેઠકો બિનહરીફ જાહેર થઇ છે.