Video Viral : ગોરખપુરમાં TTEએ એન્જિનિયર પ્રવાસીને માર માર્યો, વીડિયો થયો વાયરલ

ઉત્તર પ્રદેશ :જનરલ ટિકિટ લઈને એસી બોગીમાં પ્રવાસી કરવાનો પ્રયાસ કરી રહેલા એક એન્જિનિયરને રેલવે સ્ટેશન પર ટીટીઈએ માર માર્યો હતો. તેનો વીડિયો વાયરલ થઈ રહ્યો છે. પ્રવાસીનો આરોપ છે કે, તેણે જનરલ ટિકિટ લીધી હતી. તે એસી બોગીમાં પોતાના માટે સીટ માંગી રહ્યો હતો. તે પશ્ચિમ યુપીનો છે. TTE સાથે બોલચાલની ભાષામાં વાત કરતી વખતે તેણે તમે ના બદલે તું નો ઉપયોગ કર્યો હતો. ગોરખપુરથી દિલ્હી જતી ગોરખધામ એક્સપ્રેસના ટીટીઈને આ વાત પસંદ ન આવી. તેણે પ્રવાસીને ધક્કો માર્યો હતો. જ્યારે પ્રવાસીએ વિરોધ કર્યો તો ટીટીઈએ તેને બોગીમાંથી ખેંચીને પ્લેટફોર્મ પર લાવ્યા હતા. અન્ય ટીટીઈ પણ અહીં પહોંચી ગયા હતા. બધાએ મળીને પેસેન્જરને માર માર્યો હતા. જીઆરપીએ ટીટીઈના તહરિર પર એન્જિનિયરની ધરપકડ કરી હતી. આ મામલો ગોરખપુર રેલવે સ્ટેશનના પ્લેટફોર્મ નંબર 8નો છે. લડાઈની આ ઘટના 6 એપ્રિલે સાંજે 5.42 કલાકે બની હતી. દરમિયાન કોઈએ તેનો વીડિયો બનાવીને વાયરલ કરી દીધો હતો. વાયરલ થઈ રહેલા વીડિયોમાં પણ સમય સ્પષ્ટ દેખાઈ રહ્યો છે. કુશીનગર એક્સપ્રેસ પ્લેટફોર્મ નંબર 8થી એલટીટી જવા માટે રવાના થશે. આની સામે TTE એક પ્રવાસીને મારપીટ કરતા જોવા મળે છે. જીઆરપી સ્ટેશનના ઈન્સ્પેક્ટર વિજય પ્રતાપ સિંહે જણાવ્યું હતું કે, ટીટીઈ મઝહર હુસૈને અરજી આપી છે. અન્સારી અલી પર હુમલો કરવાનો પ્રયાસ કરવાનો આરોપ છે. પ્રવાસીની અટકાયત કરવામાં આવી છે. પ્રવાસી બુલડિયા ટાવર, લોહામંડી, આગરાનો રહેવાસી છે. ઈન્સ્પેક્ટરે જણાવ્યું હતું કે, ટીટીઈ પેસેન્જરને માર મારતો વીડિયો મળ્યો નથી. વીડિયો મળ્યા બાદ તેના આધારે કાર્યવાહી કરવામાં આવશે.