'કેમ કોઇને રોકતો નથી' કહી પરપ્રાંતિય શખ્સે TRB જવાનને માથામાં ટિફિન માર્યું

જામનગર: ખોડીયાર કોલોની વિસ્તારમાં પરપ્રાંતીય શખ્સ અને TRB વચ્ચે બોલાચાલીની ઘટના સામે આવી છે. જામનગરમાં દેવુભાના ચોક વિસ્તારમાં રહેતા અને ટ્રાફિક બ્રિગેડ તરીકે ફરજ બજાવતા જયવીન મુકેશભાઈ ઓઝા (ઉ.વ.23) સીટી સી. ડિવિઝન પોલીસ મથકમાં ફરજ બજાવે છે. TRB જવાન ખોડિયાર કોલોની વિસ્તારમાં પોતાની ફરજ પર હતા. જે દરમિયાન અચાનક આવી ચડેલા શખ્સે TRB જવાન સાથે બોલાચાલી કરી હતી. શખ્સે કેમ અહીં ટ્રાફિક હળવો નથી કરતો કહીને હાથમાં રહેલું ટિફિન ટ્રાફિક બ્રિગેડના ખંભા તથા માથામાં ફટકારીને ઇજા પહોંચાડી હતી.  

આરોપી સામે ગુનો દાખલ:TRB જવાને પોતાના ઉપર ટિફિન વડે હુમલો કરી ઇજા પહોંચાડવા અંગે તેમજ પોતાની ફરજમાં રૂકાવટ ઊભી કરવા અંગે મૂળ ઉત્તર પ્રદેશના વતની અને હાલ મહાકાળી સર્કલ, ભકિતનગર વિસ્તારમાં રહેતા શખ્સ ક્રિષ્ના રામસુંદર રાજપૂત સામે ફરિયાદ નોંધાવી છે. પોલીસે આરોપી ક્રિષ્ના રાજપુત સામે આઇપીસી કલમ 186 અને 3332 મુજબ ગુનો નોંધી વધુ તપાસ હાથ ધરી છે.