નવસારી વિધાનસભા બેઠકના 18 ઉમેદવારોના ભાવિનો આજે ફેંસલો - gujarat assembly election

નવસારી: ગુજરાત વિધાનસભાની ચુંટણીમાં નવસારીની 4 વિધાનસભા બેઠકો પર કુલ 10.78 લાખ મતદારો નોંધાયા હતા. જેમાંથી 1 ડિસેમ્બરે યોજાયેલા મતદાનમાં નવસારીના કુલ 7.66 લાખ મતદારોએ પોતના મતાધિકારનો ઉપયોગ કરી 18 ઉમેદવારોના ભાવિ EVM મશીનમાં કેદ કર્યા હતા. અઠવાડિયા સુધી કોણ જીતશે, (gujarat assembly election result)કોણ હારશે, કોણ કોને ધોબી પછાડ આપશેની ગરમાગરમ ચર્ચાઓ ઠંડીના વાતાવરણમાં રહી છે. ત્યારે આજે નવસારીના જલાલપોરના ભુતસાડ ગામે આવેલ ગાંધી એન્જિનિયરિંગ કોલેજ ખાતે ચારેય વિધાનસભા બેઠકોની મતગણતરી સવારે 8 વાગ્યાથી શરૂ થઈ છે. મતગણતરીની તમામ તૈયારીઓને જિલ્લા ચુંટણી તંત્ર દ્વારા આખરી ઓપ આપી દેવામાં આવ્યો હતો. મતગણતરીમાં અંદાજે 200 કર્મચારી, અધિકારીઓ જોડાશે અને બુથને ધ્યાને રાખીને મત ગણતરીના રાઉન્ડ થશે. જેમાં 174 જલાલપોર અને 175 નવસારી વિધાનસભાના સરખા જ 253 બુથો છે, જેથી બંને બેઠકો પર મતગણતરીના 18-18 રાઉન્ડ પૂર્ણ થયા બાદ ભાવિ ધારાસભ્યનું પરિણામ મળશે. જ્યારે 176 ગણદેવી વિધાનસભાની મતગણતરીના 23 રાઉન્ડ અને 177 વાંસદા વિધાનસભામાં 24 રાઉન્ડ મતગણતરી થશે.