Farooq Abdullah: જમ્મુમાં બિન-સ્થાનિકોને ફ્લેટ ફાળવવાનો નિર્ણય, ફારુક અબ્દુલ્લાએ વ્યક્ત કરી નારાજગી

જમ્મુ અને કાશ્મીર: નેશનલ કોન્ફરન્સના પ્રમુખ ફારુક અબ્દુલ્લાએ જમ્મુમાં બિન-સ્થાનિકોને ફ્લેટ ફાળવવાના જમ્મુ અને કાશ્મીર હાઉસિંગ બોર્ડના નિર્ણયનો વિરોધ કર્યો છે. તેમણે કહ્યું કે અફસોસની વાત છે કે જે નેતાઓ જમ્મુ અને ડોગરાની વાત કરતા હતા તેઓ આજે ક્યાં છે. બહારથી આવેલા લોકોને વસાવવામાં આવી રહ્યા છે. અહીંના લોકો ક્યાં જશે? બહારના લોકોને નોકરી આપવામાં આવી રહી છે. 

આ પણ વાંચો:Priyanka Gandhi: પ્રિયંકા ગાંધીએ PM પર પ્રહાર કરતા કહ્યું; મારા ભાઈ રાહુલ પાસેથી શીખો, જે દેશ માટે ગોળી ખાવા પણ તૈયાર છે

જમ્મુની અવગણના:જી-20 મીટિંગ પર કહ્યું હતું કે આ બેઠક જમ્મુમાં થવી જોઈએ. જમ્મુની અવગણના કરવામાં આવી રહી છે, લદ્દાખ અને કાશ્મીરમાં બેઠક કરશે, પરંતુ જમ્મુમાં બેઠક નહીં કરે. પ્રધાનમંત્રી આવાસ યોજના (PMAY) હેઠળ દેશના વિવિધ ભાગોમાંથી જમ્મુમાં અસ્થાયી અથવા કાયમી ધોરણે સ્થળાંતર કરનારા નાગરિકોને 336 ફ્લેટ ફાળવવામાં આવશે. બોર્ડના સૂત્રોના જણાવ્યા અનુસાર જમ્મુના સુંજવાન વિસ્તારમાં સસ્તા ભાડાનું રહેણાંક સંકુલ બનાવવામાં આવી રહ્યું છે.