'હાથી મેરે સાથી'- જૂઓ કેવી રીતે ગંગા નદીમાં ફસાયેલા મહાવતને હાથીએ બચાવ્યો

આજના યુગમાં જ્યારે માણસ જ માણસનો દુશ્મન બની ગયો છે, ત્યારે એક હાથી લોકોને મોટો સંદેશ આપી રહ્યો છે. વૈશાલીનો એક વીડિયો સોશિયલ મીડિયા પર ઝડપથી વાયરલ (Social media viral video) થઈ રહ્યો છે. વીડિયોમાં જોઈ શકાય છે કે, એક હાથી તેના મહાવતનો જીવ બચાવી (Elephant Saved Mahout Life) રહ્યો છે. બિહારમાં પૂરનો કહેર ચાલુ છે. ગંગાનો ઝડપી વહેતો પ્રવાહ દરેકને ડરાવે છે. આ દરમિયાન વૈશાલીની એક તસવીર સામે આવી છે,જેને સોશિયલ મીડિયા પર ખૂબ પસંદ કરવામાં આવી રહી છે. એક ગજરાજ તેના મહાવત સાથે ગંગાની મધ્યમાં અટવાઈ ગયો છે, પરંતુ હાથીને તેના જીવની નહિ પણ તેના ગુરુ, મહાવતના જીવનની ચિંતા હતી. ગજરાજે પાણીની ધારને હરાવીને મહાવતને સુરક્ષિત રીતે બહાર કાઢ્યો. ગંગાના ઝડપી પ્રવાહ વચ્ચે ગંગામાં ફસાયેલા હાથીનો (Elephant Trapped In River Ganga) વીડિયો ઝડપથી વાઈરલ થઈ રહ્યો છે. વીડિયોમાં નદીની ધાર સાથે મહાવત અને હાથી વચ્ચે યુદ્ધ અને પછી વિજય બતાવવામાં આવ્યો છે. વાયરલ થયેલા વીડિયોમાં સ્પષ્ટ દેખાઈ રહ્યું છે કે, કેવી રીતે પોતાના મહાવતને લઈને આવેલો હાથી નદીના જોરદાર પ્રવાહમાં ઘાટ કિનારે જવાનો પ્રયાસ કરી રહ્યો છે. પાણીનો પ્રવાહ એટલો જોરદાર હોય છે કે, ક્યારેક એવું લાગે છે કે હાથી નદીમાં ડૂબી ગયો છે, પરંતુ દર વખતે હાથી નદીના જળસ્તરથી ઉપર આવી જાય છે.