જૂનાગઢમાં ગૌશાળામાં ગાયનો શિકાર કરવા જતા વીજ કરંટ લાગતાં દીપડાનું થયું મોત - વીજ કરંટ લાગવાથી દીપડાનું મોત

જુનાગઢ : જુનાગઢ બીલખા રોડ પર ગ્રામ્ય વિસ્તારમાં આવેલા નંદબાબા ગૌશાળામાં શિકાર કરવાના ઈરાદા સાથે બપોરના ચાર વાગ્યાની આસપાસ દીપડો ગૌશાળામાં પ્રવેશ કરવા છલાંગ લગાવે છે અને આ છલાંગ શિકારી દિપડાના જીવનની અંતિમ છલાંગ(junagadh in leopard dies) બની ગઈ હતી. દિવાલ નજીક આવેલા વીજ ટ્રાન્સફોર્મરમાં વીજ કરંટ લાગવાથી દીપડાનું મોત(Death of a leopard due to electric shock) થયું હતું. શિકારની શોધમાં ગૌશાળાની દિવાલને કુદવાના પ્રયાસમાં દીપડાનું મોત થયું છે, સમગ્ર મામલાને લઈને વનવિભાગે દીપડાના મૃતદેહનો કબજો લઈને વધુ તપાસ હાથ ધરી છે.