જૂનાગઢમાં ભેસાણ પોલીસે 10 વર્ષમાં પકડેલી 21,000થી વધુ દારૂની બોટલ પર બુલડોઝર ફેરવ્યું - ભેંસાણ મામલતદાર નીરવ બ્રહ્મભટ્ટ વહીવટી તંત્રના અધિકારીઓની હાજરીમાં દારૂનો નાશ
જૂનાગઢ જિલ્લાના ભેસાણ તાલુકામાં પોલીસે દારૂના જથ્થાનો નાશ કર્યો હતો. છેલ્લા 10 વર્ષ દરમિયાન પોલીસે પકડેલી 21,000થી વધુ દારૂની બોટલો પર બુલડોઝર ફેરવી દેવાયું હતું. આ સાથે જ પોલીસે 70થી 80 લાખ રૂપિયાના દારૂના જથ્થાનો નાશ કર્યો હતો. તો આ સમયે નાયબ કલેક્ટર, DySP અને વહીવટી તંત્રના અધિકારી સહિત કર્મચારીઓ પણ હાજર રહ્યા હતા. આ અંગે ભેસાણના મામલતદાર નીરવ બ્રહ્મભટ્ટે જણાવ્યું હતું કે, છેલ્લા 10 વર્ષ દરમિયાન પકડી પાડવામાં આવેલી 70થી 90 લાખની અંદાજિત કિંમતની અંદાજિત 21,000થી વધુ દારૂની બોટલનો નાશ કરવામાં આવ્યો છે.