પોરબંદરમાં મેઘરાજાનું આગમન: ખેડૂતોમાં જોવા મળ્યો ખુશીનો માહોલ - heavy rain in porbandar
ગુજરાતભરમાં વરસાદની આગાહીના પગલે પોરબંદરમાં પણ ધોધમાર વરસાદ વરસ્યો હતો. 4 કલાકમાં પોણા ત્રણ ઇંચ જેટલો વરસાદ વરસતા ખેડૂતોમાં ખુશીનો માહોલ છવાયો હતો. જ્યારે પોરબંદર, રાણાવાવ, કુતિયાણા અને માધવપુરના મુખ્ય બજારોમાં પણ પાણી ભરાયા હતા. ત્યારે દરિયાકાંઠા અને નીચાણવાળા વિસ્તારોમાં લોકોને ન જવાની સૂચના પણ તંત્ર દ્વારા આપવામાં આવી છે. ઉપરાંત માછીમારોને પણ દરિયામાં ન જવાની સૂચના આપવામાં આવી છે.