સ્થાનિક સ્વરાજની ચૂંટણી અંતર્ગત બ્યૂરો ઓફિસથી ખાસ ચર્ચા - Gram Panchayat Election news
અમદાવાદઃ રાજ્યમાં સ્થાનિક સ્વરાજની ચૂંટણી માહોલ જામ્યો છે. રાજ્યની 81 નગરપાલિકા, 31 જિલ્લા પંચાયત અને 231 તાલુકા પંચાયતની આજે ચૂંટણી છે. ત્યારે સ્થાનિક સ્વરાજની ચૂંટણી અંતર્ગત બ્યૂરો ઓફિસથી બ્યૂરો ચીફ ભરત પંચાલે વરિષ્ઠ સંવાદદાતા પારુલ રાવલ સાથે ખાસ ચર્ચા કરી હતી. આજે 81 નગરપાલિકાના 680 વોર્ડની કુલ 2720 બેઠક, 31 જિલ્લા પંચાયતની 980 બેઠક અને 231 તાલુકા પંચાયતની 4,774 બેઠક પર મતદાન થઇ રહ્યું છે. જેની મતગણતરી 2 માર્ચે હાથ ધરવામાં આવશે. અત્યાર સુધીમાં જોઇએ તો બપોરે 2:15 કલાક સુધીમાં નગરપાલિકામાં 31.4 ટકા અને પંચાયતોમાં સરેસાશ 36.5 ટકા મતદાન નોંધાયું છે. આ વખતેની ચૂંટણીમાં ભાજપ-કોંગ્રેસ મુખ્ય પક્ષની સાથે AAP, BSP અને AIMIM પણ ચૂંટણી લડી રહી છે. તમને જણાવી દઇએ કે, 81 નગરપાલિકાની કુલ 2720 બેઠકો પૈકી 95 બેઠકો, 31 જિલ્લા પંચાયતની 980 બેઠકો પૈકી 25 બેઠકો અને 231 તાલુકા પંચાયતની 4774 બેઠકો પૈકી 117 બેઠકો બિનહરીફ જાહેર થઇ છે.