જામનગરના લાખોટા તળાવમાંથી વૃદ્ધનો મૃતદેહ મળી આવ્યો - Lakhota Lake

જામનગરઃ શહેરમાં બપોરે ફાયર ટીમને કોઈ અજાણી વ્યક્તિએ ફોન કરી અને લાખોટા તળાવમાં એક પુરૂષનો મૃતદેહ તરતો હોવાની માહિતી આપતા ફાયર ટીમ તાત્કાલિક ઘટનાસ્થળે પહોંચી હતી અને મૃતકના મૃતદેહને તળાવમાંથી બહાર કાઢ્યો હતો. મળતી વિગત અનુસાર 81 વર્ષના મોહનભાઈ ભુરાભાઈ સરધારાએ કોઈ અગમ્ય કારણોસર તળાવમાં કૂદી આપઘાત કર્યો હોવાનું બહાર આવ્યું છે. જામનગરમાં શ્રીનિવાસ કોલોની શેરી નંબર 2માં રહેતા વૃદ્ધે તળાવમાં કૂદી જીવન ટૂંકાવ્યું હતું. મહત્વનું છે કે, 24 કલાક પહેલા વૃદ્ધે તળાવમાં કૂદકો મારીને આપઘાત કર્યો હોવાથી મૃતદેહ કોહવાયેલી હાલતમાં મળી આવ્યો હતો. ફાયરની ટીમે મૃતદેહને પોલીસે સોંપી મૃતકના પરિજનોને સમગ્ર ઘટના વિશે જાણ કરવામાં આવી છે.