અમદાવાદ શહેરમાં કોની સરકાર? મતગણતરીને લઇને સાંજના 05ઃ30 વાગ્યાની સ્થિતિ - today latest news in Gujarati

અમદાવાદઃ રાજ્યમાં સ્થાનિક સ્વરાજની ચૂંટણીને લઇને 6 મહાનગરપાલિકાઓમાં 21 ફેબ્રુઆરીએ મતદાન યોજાયું હતું. ત્યારે રાજ્યમાં અમદાવાદ મહાનગરપાલિકાની ચૂંટણીમાં સૌથી ઓછું 38.73 ટકા મતદાન નોંધાયું હતું. જેની મતણતરી આજે મંગળવારે થઇ રહી છે. સાંજે 05ઃ30 વાગ્યા સુધીમાં અમદાવાદમાં ભાજપે 142, કોગ્રેસ 15, AIMIM 8 અને અપક્ષે 1 બેઠક પર જીત મેળવી છે. ઉલ્લેખનીય છે કે, અમદાવાદમાં કુલ 48 વોર્ડ અને 192 બેઠકો છે. જેમાંથી 96 બેઠક મહિલા માટે અનામત રાખવામાં આવી છે. આ સાથે જ અમદાવાદમાં કુલ 46, 24, 592 મતદારો હતા. જે પૈકી 24, 14, 451 પુરુષો, 22, 09, 976 મહિલા અને 165 ટ્રાન્સજેન્ડરનો સમાવેશ થાય છે.