Accident in Navsari Highway : પૂરઝડપે આવતી કારનું ટાયર ફાટતા કાર ટેમ્પો સાથે અથડાઈ, 19 લોકો થયા ઈજાગ્રસ્ત

નવસારીમાં નેશનલ હાઈવે નંબર 48 પર વેસ્મા ગામ નજીક એક અકસ્માત (Accident in Navsari Highway) સર્જાયો હતો. અહીં પૂરઝડપે દોડી રહેલી કારનું ટાયર ફાટતા આ કાર મજૂરો ભરેલા ટેમ્પા સાથે (Car and Tempo accident in Vesma village) અથડાઈ હતી. આના કારણે ગંભીર અકસ્માત થયો હતો. જોકે, આ અકસ્માતમાં કારમાં સવાર 2 યુવાનો અને ટેમ્પોમાં સવાર 17 ખેતમજૂરો ગંભીર રીતે ઈજાગ્રસ્ત થયા હતા. તેમને સારવાર માટે હોસ્પિટલ ખસેડાયા હતા. આ ખેતમજૂરો નવસારીના હાંસાપોરથી સુરતના પીંજરત ગામમાં જઈ રહ્યા હતા. વેસ્મા ગામના ઓવરબ્રિજ પહેલા વાપીથી સુરત જઈ રહેલા 2 નબીરાઓની પૂરઝડપે દોડતી કારનું ટાયર અચાનક ફાટતા કારચાલકે સ્ટિયરિંગ પરનો કાબૂ ગુમાવ્યો હતો. જ્યારે કારે આગળ મજૂરો ભરેલા ટેમ્પોને અડફેટે લેતા ટેમ્પો પલટી ગયો હતો. પોલીસે આ અંગે અકસ્માતનો ગુનો નોંધી વધુ તપાસ હાથ ધરી છે.