- જીવલેણ સંક્રમણની ચેઇનને તોડવા માનવથી માનવીય સંપર્કને અટકાવવો જરૂરી
- સામાન્ય રીતે સોમવારે વીકએન્ડના લોકડાઉન બાદ ઓછા કેસ નોંધાય છે
- લોકડાઉનથી સંક્રમણને નિશ્ચિતરૂપે ઘટાડવામાં મદદ મળે છે
ન્યૂઝ ડેસ્ક : ભારતમાં બીજી લહેર દરમિયાન કોરોના નાના શહેરો, નગરો, ગામોમાં બેકાબૂ બન્યા છે, આરોગ્ય નિષ્ણાતોએ સોમવારે ફરી એક વાર પરિસ્થિતિને સરળ બનાવવા માટે ટૂંકા ગાળાના સંપૂર્ણ લોકડાઉનની હિમાયત કરી છે. કોવિડના ફેલાવા સામેની લડતમાં મૂળ હકીકત એ છે કે, જીવલેણ સંક્રમણની ચેઇનને તોડવા માનવથી માનવીય સંપર્કને અટકાવવો જરૂરી છે. તે કોરોના સંક્રમણ વચ્ચે આરોગ્ય વિભાગની પ્રણાલીને નવીન શરૂઆત આપે છે, તેમજ હાલમાં સારવાર હેઠળ રહેલા કોરોના સંક્રમિત દર્દીઓને ઓક્સિજન મળી શકે અને તેમની પૂરતી કાળજી રાખી શકાય છે.
આ પણ વાંચો - કોરોના કાળમાં વધી ઑક્સિમીટરની માંગ, જાણો તેના કાર્ય
ભારતમાં છેલ્લા 24 કલાકમાં 3,68,147 પોઝિટિવ કેસ અને 3,417 મોત નોંધાયા
કેન્દ્રીય આરોગ્ય અને કુટુંબ કલ્યાણ મંત્રાલયના આંકડા અનુસાર ભારતમાં છેલ્લા 24 કલાકમાં 3,68,147 પોઝિટિવ કેસ અને 3,417 મોત નોંધાયા છે. હરિયાણા રાજ્યમાં કોરોના વાઇરસ ટ્રાન્સમિશનની સાંકળ તોડવા માટે રાજ્ય સરકારે સોમવારથી એક અઠવાડિયાના લોકડાઉનની જાહેરાત કરી છે. દિલ્હીએ પહેલાથી જ વધું એક અઠવાડિયા માટે લોકડાઉન લંબાવી દીધું છે.
આ પણ વાંચો - મ્યૂટેશન થતા રહેશે, આપણે સાવચેત રહેવાની જરૂર છે - ડૉ. શશાંક જોશી
રોગચાળાના પ્રતિભાવ માટે સ્પષ્ટ સંદેશાઓ અને જોખમ મહામારી પ્રતિક્રિયા મહત્વપૂર્ણ
બિહારમાં કોવિડ 19 ના બીજી લહેર હેઠળ નેતાઓએ મુખ્યપ્રધાન નીતીશ કુમારને સમગ્ર રાજ્યમાં સંપૂર્ણ 15 દિવસનો લોકડાઉન પૂર્ણ કરવા જણાવ્યું છે. AIIMS નવી દિલ્હી સેન્ટર ફોર કમ્યુનિટી મેડિસિનના સહયોગી પ્રોફેસર ડૉ. હર્ષલ આર. સાલ્વેના જણાવ્યા મુજબ રોગચાળાના પ્રતિભાવ માટે સ્પષ્ટ સંદેશાઓ અને જોખમ મહામારી પ્રતિક્રિયા મહત્વપૂર્ણ છે. ગુરુગાંવની મેદાતા ધ મેડિસિટીના સંક્રમણ રોગના નિષ્ણાંત ડૉ. નેહા ગુપ્તાએ જણાવ્યું હતું કે, સામાન્ય રીતે સોમવારે વીકએન્ડના લોકડાઉન બાદ ઓછા કેસ નોંધાય છે અને આ આપણે 2020માં પણ જોયું છે. લોકડાઉનથી સંક્રમણને નિશ્ચિતરૂપે ઘટાડવામાં મદદ મળે છે.
