Plant oils for skin and hair care : ત્વચા અને વાળની એકસ્ટ્રા કેર માટે જાણો જુદા જુદા પ્લાન્ટ ઓઇલના ઉપયોગ

પ્લાન્ટ ઓઇલના તેલને ત્વચા અને વાળની ​​સંભાળ (Plant oils for skin and hair care) માટે આદર્શ ગણી શકાય. કારણ કે તે કુદરતી પોષક તત્વોથી ભરપૂર હોય છે અને મોટાભાગના કિસ્સાઓમાં તેની આડઅસર પણ નથી થતી. આ તેલના ઉપયોગથી ત્વચા અને વાળના સ્વાસ્થ્ય અને સુંદરતા બંનેમાં વધારો થઈ શકે છે. જાણો વિગતવાર.

• Plant Oil ના ત્વચા, વાળ અને નખના સૌદર્યમાં ખાસ ઉપયોગ
• Plant Oil માં કયા કયા પ્રકારના તેલ વાપરી શકાય તે જાણો
• તેલના ઉપાય જાણો ETV Bharat Sukhibhav નિષ્ણાત પાસેથી

તમામ બ્યુટિશિયન અને ત્વચારોગ નિષ્ણાતો (Dermatologist) ત્વચાની સંભાળ માટે કુદરતી અને ઓછા રાસાયણિક સૌંદર્ય પ્રસાધનોના ઉપયોગ પર આગ્રહ રાખે છે. વાસ્તવમાં આપણી ત્વચા એટલી સંવેદનશીલ હોય છે કે વધુ પડતા રસાયણો તેને ઊંડે સુધી નુકસાન પહોંચાડે છે. Plant Oil એટલે કે જે તેલ છોડ, ફળો અને બીજમાંથી કાઢવામાં આવે છે તે ત્વચાની નિયમિત સંભાળ અને તેના સ્વાસ્થ્ય અને સુંદરતા જાળવવા માટે ખૂબ જ ફાયદાકારક છે. આ (Plant oils for skin and hair care) તેલ કુદરતી પોષણથી ભરપૂર હોય છે અને મોટાભાગના તેલની ત્વચા પર કોઈ આડઅસર થતી નથી. ઉદાહરણ તરીકે આર્ગન, બદામ, જોજોબા અને દાડમના બીજનું તેલ, જે કુદરતી વિટામિન્સ અને અન્ય પોષક તત્વોથી ભરપૂર છે. તે ત્વચાને પોષણ આપવા સાથે ત્વચાની સમસ્યાઓ, મુક્ત કણો અને પ્રદૂષણના નુકસાનથી પણ બચાવે છે.

ચાલો જાણીએ કે નિયમિત ત્વચા સંભાળમાં (Plant Oil use for Skin) કયા પ્લાન્ટના તેલથી ફાયદો થાય છે. ETV Bharat Sukhibhav ના આ વિશેષ લેખમાં આજે અમે એ પણ જણાવીશું કે આ તેલનો ઉપયોગ કેવી રીતે કરી શકાય.

Plant Oilના ફાયદા

ઉત્તરાખંડના ત્વચારોગ નિષ્ણાત ડૉ. આશા સકલાની કહે છે કે આપણી ત્વચા પર હવામાન, તેના પર લગાવવામાં આવતા ઉત્પાદનો અને પ્રદૂષણથી ઊંડી અસર થાય છે. કારણ કે ત્વચા તેના સંપર્કમાં આવતા લગભગ 60થી 70 ટકા ઘટકોને શોષી લે છે. ત્વચા પર તેમની અસર ત્વચામાં ભેજનો અભાવ, કુદરતી ચમકનો અભાવ, શુષ્કતા અને સમસ્યાવાળા ત્વચાના સ્વરૂપમાં દેખાય છે. આ સમસ્યાઓની અસર વાળ પર પણ જોવા મળે છે, જેના કારણે વાળ તૂટવા ઉપરાંત બીજી પણ અનેક પ્રકારની સમસ્યાઓ દેખાવા લાગે છે. આ સમસ્યાઓમાં ત્વચા અને વાળ માટે છોડના તેલ (Plant oils for skin and hair care) જેવા કુદરતી ઉત્પાદનોનો ઉપયોગ વધુ ફાયદાકારક છે. કારણ કે ફળોમાંથી કાઢવામાં આવેલું આ તેલ, ખાસ કરીને તેના બીજ, કુદરતી પોષણથી ભરપૂર હોય છે.

કુદરતી વિટામિન્સથી સમૃદ્ધ આ તેલ (Plant oils for skin and hair care) માત્ર ત્વચાને જ નહીં પરંતુ વાળને પણ મૂળમાંથી સ્વસ્થ બનાવવામાં મદદ કરી શકે છે. આ સિવાય ત્વચા અને વાળની ​​નિયમિત કાળજી લેવાથી પ્રદૂષણની અસર, મેકઅપ અને હેર સ્ટાઇલ પ્રોડક્ટ્સના વધુ પડતા ઉપયોગથી થતા નુકસાન અને અન્ય કારણોસર થતી સમસ્યાઓમાં ઘટાડો થાય છે.

કેટલાક વનસ્પતિ તેલ ત્વચા અને વાળ માટે ફાયદાકારક છે.

આર્ગન તેલ

આ (Plant Oil)તેલ વાળ અને ત્વચા માટે જાદૂ જેવું કામ કરે છે. તેના વિશેષ ગુણોને કારણે તેને 'લિક્વિડ ગોલ્ડ' તરીકે પણ ઓળખવામાં આવે છે. આ તેલ આર્ગન વૃક્ષમાંથી (Argon oil) કાઢવામાં આવે છે. વાળ અને ત્વચાને પોષણ (Plant oils for skin and hair care) આપવા ઉપરાંત, આ તેલ ફોલ્લીઓ અને ત્વચાની અન્ય સમસ્યાઓમાં પણ રાહત આપે છે અને ઘા ઝડપથી રૂઝાય છે. આર્ગન તેલમાં વિટામીન A અને વિટામીન E પુષ્કળ પ્રમાણમાં જોવા મળે છે. તેની સાથે તેમાં લિનોલીક એસિડ, ઓમેગા-6, એન્ટી ઓક્સીડેન્ટ્સ અને મિનરલ્સ હોય છે જે ભેજ જાળવી રાખે છે અને ત્વચાને કોમળ બનાવે છે, તેમજ ત્વચા અને વાળને સૂર્યના કિરણોની અસરથી બચાવે છે. તેમાં જોવા મળતું ટોકોફેરોલ, જે એક પ્રકારનું વિટામિન-ઈ છે તે પણ નખને સ્વસ્થ રાખવામાં મદદ કરે છે.

આફ્રિકાના દક્ષિણ પશ્ચિમ મોરોક્કોના વિસ્તારમાં જોવા મળતાં આર્ગન વૃક્ષના (Argon oil) બીજમાંથી બનાવવામાં આવતું આ એક સુગંધિત અને રસોઇના ઉપયોગમાં પણ લેવાતું તેલ છે.

જોજોબા તેલ

Jojoba oil જોજોબા છોડના (Plant Oil) બીજમાંથી કાઢવામાં આવે છે, તેમાં વિટામિન ઇ, વિટામિન બી અને કોપર સહિતના ઘણા પોષક તત્વો હોય છે. લોકો આ તેલનો ઉપયોગ મસાજ તેલ, મેકઅપ રીમુવર અને કન્ડિશનર તેમજ સ્કિન ક્લીંઝર અને ફેસ માસ્ક તરીકે કરે છે. આ તેલનો ઉપયોગ ફક્ત બાહ્ય ઉપયોગ માટે જ થાય છે. તેનો ઉપયોગ ખોરાકમાં થતો નથી. કેટલાક લોકોને જોજોબા તેલની એલર્જી પણ હોય છે, તેથી તેનો ઉપયોગ કરતા પહેલાં તપાસો કે તમને તેનાથી એલર્જી છે કે નહીં.

એવોકાડો તેલ

એવોકાડો ફળ ફક્ત સ્વાસ્થ્ય માટે જ ફાયદાકારક નથી, પરંતુ Avocado oil તેલનો ત્વચા અને વાળ પર ઉપયોગ કરવાથી તેમને પોષણ અને સુંદરતા બંને મળે છે. એવોકાડો તેલ પોટેશિયમ, વિટામિન ડી અને ઇ, મેગ્નેશિયમ અને લિનોલીક એસિડથી સમૃદ્ધ છે. આ તેલ ત્વચાને લાંબા સમય સુધી હાઇડ્રેટ રાખે છે અને તેને સૂકી પડવાથી બચાવે છે.

દાડમ બીજ તેલ

દાડમના બીજનું તેલ (Pomegranate seed oil) દરેક પ્રકારની ત્વચા પર વાપરી શકાય છે. તે ચીકણું નથી હોતું તેથી ત્વચામાં સરળતાથી શોષાય છે અને ભેજ જાળવી રાખે છે. દાડમના બીજના તેલનો ઉપયોગ ત્વચાને સ્વસ્થ તો બનાવે છે જ, સાથે ખીલ અને ત્વચા સંબંધિત અન્ય સમસ્યાઓ દૂર કરવામાં પણ ફાયદો કરે છે. આ સિવાય તે ત્વચાના નવા કોષો બનાવવામાં અને ત્વચાને મજબૂત બનાવવામાં મદદ કરે છે. દાડમના બીજનું તેલ વાળ માટે પણ ખૂબ ફાયદાકારક છે. તેનો ઉપયોગ શુષ્ક અને નિર્જીવ વાળને નવું જીવન આપી શકે છે, સાથે જ તેના એન્ટીઓક્સીડેન્ટ્સ અને વિટામિન્સની વધુ માત્રા વાળના વિકાસમાં મદદ કરે છે.

બદામ તેલ

બદામના તેલમાં (Almond oil) વિટામિન A, E, D, કેલ્શિયમ, પોટેશિયમ, જસત, આયર્ન, મેંગેનીઝ, ફોસ્ફરસ અને ઓમેગા-3 ફેટી એસિડ ભરપૂર માત્રામાં હોય છે. આ બધું આપણી ત્વચા અને વાળને સ્વસ્થ (Plant oils for skin and hair care) બનાવવામાં મદદ કરે છે. મીઠી બદામમાંથી શુદ્ધ બદામનું તેલ ઠંડા દબાવીને કાઢવામાં આવે છે. તેથી તે બદામ ખાવા કરતાં વધુ ફાયદાકારક છે. દરરોજ રાત્રે સૂતાં પહેલા બદામ તેલના થોડા ટીપાં ચહેરા પર મસાજ કરવાથી ત્વચા પરના ડાઘ ઓછા થાય છે અને ત્વચા ચમકદાર બને છે. આ સિવાય નિયમિત અંતરે આ તેલથી માથામાં માલિશ કરવાથી વાળ મજબૂત અને સુંદર બને છે.

Plant Oil કેવી રીતે વાપરવું

લોકો સામાન્ય રીતે નાળિયેર અથવા ઓલિવ તેલ (Olive oil) સાથે આર્ગન અને જોજોબા તેલનું મિશ્રણ કરે છે. આ સિવાય તેને ફેસિયલ ઓઇલમાં મિક્સ કરીને પણ વાપરી શકાય છે. તે દિવસમાં બે વાર ત્વચા પર વાપરી શકાય છે. આમ કરવાથી ત્વચાનો ભેજ જળવાઈ રહેશે, ત્વચા સ્વસ્થ રહેશે અને નવા કોષોના નિર્માણમાં મદદ મળશે.

વનસ્પતિ તેલનો (Plant Oil) ઉપયોગ વાળ, ત્વચા અને નખ તેમજ શરીરના કોઈપણ ભાગની ત્વચા પર કરી શકાય છે.

આ પણ વાંચોઃ Oil Pulling એટલે કે તેલના કોગળાથી મોં અને પેટ સ્વસ્થ રહે છે

આ પણ વાંચોઃ ક્યુટિકલમાં સમસ્યા બની શકે છે નખમાં ચેપ લાગવાનું કારણ