બેઇજિંગઃ કોરોના મહામારી (કોવિડ-19 મહામારી)ને લઈને ફરી એકવાર આવા સમાચાર ચર્ચામાં આવવા લાગ્યા છે, જેમાં ચીનને ભીંસમાં મૂકી શકાય છે. એક સંશોધકે દાવો કર્યો છે કે, જીવલેણ SARS CoV-2, વાયરસ જે COVID-19 નું કારણ બને છે, તેને વુહાન ઇન્સ્ટિટ્યૂટ ઓફ વાયરોલોજીની લેબોરેટરીમાં ચીન દ્વારા જાણીજોઈને "બાયોવેપન" તરીકે બનાવવામાં આવ્યો હતો. મીડિયા રિપોર્ટ્સમાં આ જાણકારીએ ફરી એક વાર ખળભળાટ મચાવ્યો છે.
ચીને મહત્વની ભૂમિકા ભજવી છે:સમગ્ર વિશ્વમાં હાહાકાર મચાવનાર કોરોના જેવા જીવલેણ રોગચાળાની અસર ધીરે ધીરે ખતમ થઈ રહી છે, પરંતુ આ રોગચાળાની ઉત્પત્તિ અને ફેલાવાને લઈને વિવિધ અટકળો અને દાવાઓ કરવામાં આવી રહ્યા છે. મીડિયા રિપોર્ટ્સમાં વારંવાર એ વાત સામે આવી છે કે આ ભયાનક અને રહસ્યમય રોગચાળાને ફેલાવવામાં ચીને મહત્વની ભૂમિકા ભજવી છે. ઘણીવાર એવું કહેવામાં આવ્યું છે કે ચીને તેનો ઉપયોગ બાયો-વેપન તરીકે કરીને સમગ્ર વિશ્વમાં તબાહી મચાવી છે.
WHOએ પણ તપાસ કરી હતી: આ અંગે વિશ્વભરના ઘણા સંગઠનો અને સંશોધકોએ ચીન પર આંગળી ચીંધી અને કહ્યું કે આ મહામારીના ફેલાવામાં ચીનની ભૂમિકા શંકાસ્પદ રહી છે. આટલું જ નહીં, વર્લ્ડ હેલ્થ ઓર્ગેનાઈઝેશન (WHO)એ પણ કોરોનાનું મૂળ શોધવા માટે એક ટીમ ચીન મોકલી હતી. જોકે ચીને તમામ આરોપોને ફગાવી દીધા હતા અને તમામ દોષ અમેરિકા પર નાખ્યા હતા.
ચાઈનીઝ વાઈરોલોજી રિસર્ચર ચાઓનું નામ પણ સામે આવ્યુંઃએક માનવાધિકાર કાર્યકર્તાએ જણાવ્યું હતું કે વુહાન ઈન્સ્ટિટ્યૂટ ઓફ વાયરોલોજીના સંશોધક ચાઓએ તેમને કોવિડને લઈને આ માહિતી આપી હતી. જેનિફરના બ્લોગમાં પણ આ વાતનો ઉલ્લેખ કરવામાં આવ્યો છે. એવું પણ કહેવામાં આવ્યું હતું કે ચાઓને 2019 માં નાનજિંગ શહેરમાં તેમના ઉચ્ચ અધિકારી દ્વારા કોરોનાવાયરસના 4 સ્ટ્રેન આપવામાં આવ્યા હતા, જેથી તે અભ્યાસ કરી શકે અને કહી શકે કે આમાંથી સૌથી વધુ વાયરલ અને ચેપી સ્ટ્રેન કઈ છે.
આ પણ વાંચો:
- BENEFITS OF DRINKING RAIN WATER : શું તમે જાણો છો વરસાદી પાણી પીવાના આ અદ્ભુત ફાયદાઓ
- Precautions For Allergy Problem : એલર્જીથી બચવા માટે સાવધાની જરૂરી છે, સમસ્યા હોય તો શું કરવું અને શું ન કરવું તે જાણો
