- આદિવાસી વિસ્તારમાં વિદ્યાર્થીઓની પ્રતિભા બહાર લાવવા માટે યુવા મહોત્સવનું થયું આયોજન
- 150 વિધાર્થીઓએ સાહિત્ય કલા અને સાંસ્કૃતિક વિભાગમાં ભાગ લીધો
- 3 વિભાગમાં યોજાયેલી સ્પર્ધામાં 15 વર્ષથી 29 વર્ષ સુધીના યુવાઓએ ભાગ લીધો
કપરાડાઃ રમત ગમત અને યુવા સાંસ્કૃતિક વિભાગ દ્વારા કપરાડા તાલુકાનો 23મો યુવા મહોત્સવ કપરાડા તાલુકા મામલતદાર કલ્પેશભાઈ સુવાળાના નેજા હેઠળ આયોજિત કરવામાં આવ્યો હતો. તેમાં દોઢસો જેટલા વિદ્યાર્થીઓએ ભાગ લીધો હતો. યુવા મહોત્સવના આયોજન કરવાનો મુખ્ય હેતુ યુવાનોમાં રહેલી સાહિત્ય કલા અને સાંસ્કૃતિક પ્રત્યેની સુષુપ્ત શક્તિઓને બહાર લાવી તેઓને એક પ્લેટફોર્મ પૂરુ પાડવામાં આવે તે માટેનો હતો. જે અંતર્ગત આજે કપરાડા તાલુકાના માંડવા ગામે મોડેલ સ્કૂલ ખાતે 23મો યુવા મહોત્સવ યોજાયો હતો.વિવિધ સ્પર્ધામાં કોરોનાની થીમ જોવા મળી હતી
વિદ્યાર્થીઓએ વિવિધ સ્પર્ધાઓમાં પોતાની પ્રતિભા રજૂ કરી
વિદ્યાર્થીઓએ ત્રણ વિભાગમાં વિવિધ કલાકૃતિઓ અને સ્પર્ધાઓમાં ભાગ લીધો હતો. જેમાં સાહિત્ય. કલા અને સંસ્કૃતિ આ ત્રણેયના સુગમ સમન્વય દ્વારા આયોજિત સ્પર્ધામાં કુલ 15 કૃતિઓ રજૂ કરવામાં આવી હતી. આ તમામ કૃતિઓમાં વકૃત્વ સ્પર્ધા, નિબંધ સ્પર્ધા, રંગોળી સ્પર્ધા, ભજન સ્પર્ધા, દેશભક્તિ ગીત, ચિત્ર સ્પર્ધા સહિતની અનેક સ્પર્ધાનું આયોજન કરવામાં આવ્યું હતું. જેમાં યુવાનોએ પોતાની પ્રતિભાઓના દર્શન કરાવ્યાં હતાં.
3 વિભાગમાં યોજાયેલી સ્પર્ધામાં 15 વર્ષથી 29 વર્ષ સુધીના યુવાઓએ ભાગ લીધો