16મી સપ્ટેમ્બરથી ગુજરાતમાં નવા ટ્રાફિક નિયમોની અમલવારી શરૂ થઈ ચૂકી છે. વાપીમાં પણ તમામ પોલીસ સ્ટેશનના પોલીસ કર્મચારીઓ અને ટ્રાફિક બ્રિગેડ સવારથી જ માર્ગો ઉપર ચોકી પહેરામાં ગોઠવાયા હતાં. માર્ગ પરથી પસાર થતા વાહન ચાલકોને ઉભા રાખી નવા નિયમો અંતર્ગત કાર્યવાહી શરૂ કરવામાં આવી હતી. વાપી પેપીલોન ચાર રસ્તા, ગાંધી સર્કલ, gold coin સર્કલ પર તપાસ શરૂ કરાઈ હતી. જે અંતર્ગત સીટબેલ્ટ, હેલ્મેટ, વાહનનો વીમો અને RC બુકની તપાસ કરી હતી. આ તપાસ દરમિયાન મોટાભાગના વાહનચાલકોએ હેલ્મેટ નહીં પહેર્યું હોય અને સીટબેલ્ટ નહીં બાંધ્યો હોય તેવા વાહનચાલકો દંડાયા હતાં. જેમાના કેટલાકે દંડની રકમથી બચવા પણ પ્રયાસો કર્યા હતા.
નવા ટ્રાફિક કાયદા હેઠળ વાપીમાં 64 હજારનો દંડ વસુલાયો ગોલ્ડ કોઈન સર્કલ ઉપર તપાસ દરમિયાન વાહન તપાસ કરનારા ટ્રાફિક પોલીસ ઇન્ચાર્જે જણાવ્યું હતું કે, સોમવારથી નવા નિયમો અંતર્ગત ચલણ કાપવાનું શરૂ કર્યું છે. ટ્રાફિક નિયમોનું પાલન ન કરનારને કાયદાકીયરીતે દંડ ફટકારી ટ્રાફિક નિયમોના પાલન કરવા માટે અનુરોધ કરીએ છીએ. જેમાં કેટલાક વાહનચાલકોએ અન્ય લોકો પાસે ભલામણ કરાવી હતી. પરંતુ પોલીસે કોઈને પણ છોડયા નથી.
ટ્રાફિક દંડની વાત કરીએ તો વાપીમાં કુલ 64 હજારથી વધુની રકમનો દંડ ફટકારવામાં આવ્યો છે. જેમાં ગોલ્ડ કોઈન સર્કલ ખાતે 33 હજાર અને પેપીલોન ખાતે 23 હજારના ચલણ કપાયા હતાં. વાપીની જેમ ઉમરગામ તાલુકામાં પણ ટ્રાફિક પોલીસે ટ્રાફિક નિયમનની કાર્યવાહી હાથ ધરી હતી. ઉમરગામમાં પોલીસે 4100 રૂપિયાના ચલણ કાપ્યા હતાં. જ્યારે ભિલાડ પોલીસ સ્ટેશન ગ્રામ્ય વિસ્તારમાં આવતું હોય 7 વાહનચાલકોને મેમો આપવામાં આવ્યો હતો.
