પ્રેમીએ નજીવી બાબતે પ્રેમીકાને ત્રીજા માળેથી ધક્કો માર્યો, યુવતી હાલ સારવાર હેઠળ

વાપીમાં કૃષ્ણા કોલોની મુક્તાનંદ માર્ગ પર વર્ધમાન એપાર્ટમેન્ટમાં રહેતી યુવતી ત્રીજા માળેથી નીચે પટકાતા પગના ભાગે ફ્રેક્ચર સહિતની ગંભીર ઇજાઓ પહોંચી હતી. યુવતીને તેમના પ્રેમીએ અને પ્રેમીના માતા-બહેને પણ માર મારી અને ત્રીજા માળેથી ધક્કો માર્યો હતો. તેથી યુવતીએ તેના પ્રેમી અને પ્રેમીના માતા-બહેન વિરુદ્ધ ફરિયાદ નોંધાવી હતી. આ અંગે વાપી પોલીસે વધુ તપાસ હાથ ધરી હતી.

વલસાડઃ જિલ્લાના વાપીમાં એક યુવતીએ તેના પ્રેમી અને પ્રેમીના માતા-પિતા-બહેન વિરુદ્ધ જાનથી મારી નાખવાના ઇરાદે માર મારી ત્રીજા માળેથી ધક્કો મારી દીધો હોવાની અને તેને કારણે ગંભીર ઇજાઓ થઈ હોવાની ફરિયાદ નોંધાવી છે.

વાપીમાં કૃષ્ણા કોલોની મુક્તાનંદ માર્ગ પર વર્ધમાન એપાર્ટમેન્ટમાં રહેતી યુવતિ ત્રીજા માળેથી નીચે પટકાતા પગના ભાગે ફ્રેક્ચર સહિતની ગંભીર ઇજાઓ પહોંચી હતી. હાલ યુવતીને હોસ્પિટલમાં સારવાર અપાઈ રહી છે, ત્યારે આ ઘટના અંગે યુવતીએ પોલીસ મથકમાં તેમને ધક્કો મારનાર તેમના પ્રેમી, પ્રેમીના માતા-પિતા-બહેન વિરુદ્ધ ફરિયાદ નોંધાવી છે.

પ્રેમીએ નજીવી બાબતે પ્રેમીકાને ત્રીજા માળેથી ધક્કો માર્યો, યુવતી હાલ સારવાર હેઠળ

પોલીસ સ્ટેશનમાં નોંધાયેલી ફરિયાદ મુજબ યુવક અવનીશ ઉર્ફે સત્યમ હરિપ્રકાશ મિશ્રા સાથે યુવતીને પ્રેમ સંબંધ હતો. જે દરમિયાન યુવકે યુવતીના ઘરે જઇ તેમનું બાઇક ભિલાડ પોલીસ સ્ટેશનમાં જમા કરી લીધું હતું તેને છોડાવવા માટે પૈસાની જરૂર હતી તો યુવતીને કાનની બુટ્ટી આપવાનુ કહ્યું હતુ. જે આપવાની યુવતીએ ના પાડતા યુવકે યુવતી સાથે બોલાચાલી કરી તેમના માતા-પિતા-બહેનને યુવતીના ઘરે બોલાવી ઝઘડો કર્યો હતો. જે દરમિયાન યુવકની માતા અને બહેને યુવતીને માર માર્યો હતો અને યુવકે યુવતિને તમાચો મારી ઘરની ત્રીજા માળની બાલ્કની પાસે લઈ જઈ ધક્કો મારતા યુવતી ત્રીજા માળેથી નીચે જમીન પર પટકાઈ હતી. જેમાં યુવતીને પગના ભાગે ફ્રેક્ચર થયું છે. તેમજ મૂઢમાર લાગ્યો હોવાથી હાલ હોસ્પિટલમાં સારવાર માટે ખસેડાઇ છે. આ ફરિયાદ અંગે વાપી પોલીસે વધુ તપાસ હાથ ધરી છે..