વલસાડ પોલીસે મહારાષ્ટ્રમાંથી ખોટા RT-PCR રિપોર્ટ લઇને આવેલા 14 શખ્સોને ઝડપી પાડ્યા

વલસાડ જિલ્લો મહારાષ્ટ્રની સરહદને અડીને આવેલો જિલ્લો છે. જ્યાં હાલ સરહદ પાર કરી આવતા લોકો માટે RT-PCR રિપોર્ટ ફરજિયાત કર્યો છે, ત્યારે મુંબઈના 14 જેટલા શખ્સો બીજાના નામના RT-PCR રિપોર્ટમાં કમ્પ્યુટર મારફતે ચેડા કરી ગુજરાતમાં પ્રવેશતા પકડાયા છે. પોલીસે ખોટા RT-PCR રિપોર્ટ સાથે આવેલા તમામ 14 શખ્સોને પકડી તેમની સામે કાયદેસરની કાર્યવાહી હાથ ધરી છે.

• વલસાડ પોલીસે 14 શખ્સોની ધરપકડ કરી
• ખોટા RT-PCR સાથે ગુજરાતમાં પ્રવેશવા માગતા હતાં
• પોલીસની સતર્કતાએ ઝડપી લીધા

વલસાડ: મહારાષ્ટ્રમાંથી ગુજરાતમાં આવતા કેટલાક લોકો ખોટા RT-PCR રિપોર્ટ બનાવી ભિલાડ ચેકપોસ્ટથી પ્રવેશ મેળવવા કોશિશ કરતા હોય છે. જો કે વલસાડ જિલ્લાની સતર્ક પોલીસ આવા લોકોના કારસ્તાન પકડી પાડવામાં સફળતા મેળવી લે છે. ત્યારે ગુરુવારે મુંબઈથી ખોટા RT-PCR રિપોર્ટ બનાવી ગુજરાતમાં પ્રવેશતા 14 લોકોને ઝડપી પાડ્યા હતાં.

વલસાડ જિલ્લા પોલીસવડાએ મીડિયાને વિગતો આપી હતી

ભિલાડ ચેકપોસ્ટ ખાતે મહારાષ્ટ્ર ગુજરાતની સરહદે હાલ આરોગ્ય અને પોલીસ વિભાગે ચેકપોસ્ટ ઉભી કરી છે. આ ચેકપોસ્ટ પર ગુજરાતમાં પ્રવેશતા લોકોનો 72 કલાકનો RT-PCR રિપોર્ટ હોય તો જ પ્રવેશ આપવામાં આવે છે, ત્યારે ગુરુવારે ભિલાડ ચેકપોસ્ટ પર આરોગ્યની અને પોલીસની ટીમે ખોટા RT-PCR રિપોર્ટ બનાવી ગુજરાતમાં પ્રવેશ મેળવતા 14 શખ્સોને પકડી પાડ્યા હતાં. જે અંગે વલસાડ જિલ્લા પોલીસવડાએ મીડિયાને વિગતો આપી હતી.

વલસાડ

આ પણ વાંચો :7 રાજ્યમાંથી આવતા લોકોને હિમાચલ પ્રદેશમાં આવવા માટે RTPCR ટેસ્ટ નેગેટિવ હોવો જોઇએ

તમામ રિપોર્ટમાં નામ, તારીખમાં ફેરફાર હતાં

જિલ્લા પોલીસવડા ડૉ. રાજદીપસિંહ ઝાલાએ વધુમાં જણાવ્યું હતું કે, નકલી RT-PCR સાથે આવેલા લોકો સામે મુંબઈના ભાઇન્દરમાં ગુનો દાખલ કરવામાં આવ્યો છે. પકડાયેલા તમામ 14 શખ્સોના RT-PCRનો રિપોર્ટ ચેક કરતી વખતે ધ્યાનમાં આવ્યું હતું કે, તમામ રિપોર્ટમાં કોઈના નામ અલગ હતા, કોઈની લખેલી ઉંમરમાં તફાવત હતો, તારીખનો તફાવત હતો. તો એ સિવાય દરેક RT-PCR રિપોર્ટ પર જે તે લેબોરેટરીનો QR કોડ હોય તે કમ્પ્યુટર મારફતે એડિટિંગ કરાયું હોવાનું જાણવા મળ્યું હતું.

વલસાડ પોલીસ

આ પણ વાંચો :અમદાવાદના નાગરિકને રાજ્યમાં પરત આવવા માટે RTPCR ટેસ્ટની જરૂરિયાત નહીં

ખોટા રિપોર્ટ બનાવનારા એજન્ટો સામે પણ કાર્યવાહી કરાશે

પકડાયેલા તમામ શખ્સો સામે પોલીસે ખોટા દસ્તાવેજ બનાવવાની IPC કલમ અને ડિઝાસ્ટર મેનેજમેન્ટ એક્ટ હેઠળ ગુનો નોંધી કાર્યવાહી હાથ ધરી છે. જેમાં આ ખોટા રિપોર્ટ બનાવનારા એજન્ટો સામે પણ કાર્યવાહી કરવામાં આવશે, તેવું જિલ્લા પોલીસવડાએ જણાવ્યું હતું.

વલસાડ