pothole Problem: વલસાડ કૈલાસ રોડ ઔરંગા બ્રિજ ઉપર પડેલા ખાડાને કારણે ટેમ્પો ખોટકાયો, ટ્રાફિક જામ

વલસાડના કૈલાસ રોડ પર આવેલા ઔરંગા નદીના બ્રિજ પર પડેલા ખાડાને ( Pothole Problem ) કારણે આજે કલાકો સુધી ટ્રાફિક જામ ( Traffic Jam ) થઈ ગયો. બ્રિજ પર પડેલા ખાડાને કારણે એક ટેમ્પો બ્રિજ પર ફસાયો હતો. બ્રિજના બંને છેડે વાહનોની લાંબી કતારો જોવા મળી હતી. આ કતારોમાં એક દિવ્યાંગ દંપતિ પણ ફસાયું હતું તેને મહામુસીબતે બહાર કાઢવામાં આવ્યું હતું

• કૈલાશ રોડ ઔરંગા નદીના બ્રિજ ઉપરા ખાડાને ( Pothole Problem ) કારણે વાહનચાલકો પરેશાન
• રેલવેબ્રિજ 20 દિવસ બંધ રહેતા કૈલાસ રોડ ઉપર વાહનોનું ભારણ વધી ગયું
• બ્રિજ ઉપર પડેલા ખાડાને કારણે થઈ રહ્યો છેTraffic Jam
• ખાડાને કારણે ટેમ્પો ફસાતા બન્ને તરફ વાહનોની લાંબી કતારો સર્જાઈ
• વિકલાંગ દંપતિની બાઈક પણ ટ્રાફિક જામમાં ફસાઈ પડી
  
  
  વલસાડઃ દર વર્ષે ચોમાસા દરમિયાન ઔરંગા નદીના બ્રિજ ઉપર મોટી સંખ્યામાં ખાડાઓ ( Pothole Problem ) પડી જતા હોય છે અને જેનું સમારકામ ચોમાસા પૂર્વે કરવાનું હોય છે. પરંતુ લાગતાવળગતાં અધિકારીઓના પેટનું પાણી હાલતું નથી. આ ખાડાઓ ચોમાસુ શરૂ થતા જ મોટા થઈ જતા વાહનચાલકોને અહીંથી મંથર ગતિએ પસાર થવાનો વારો આવે છે. તો પડેલા ખાડાને કારણે ( Pothole Problem ) અનેક વાહનોને બ્રિજની વચોવચ ખોટકાઇ પડવાનો પણ સમય આવતો હોય છે. જેના કારણે બ્રિજની બન્ને તરફ ટ્રાફિક જામની ( Traffic Jam ) સમસ્યા સર્જાતી હોય છે અને લોકોને મુશ્કેલીનો સામનો કરવો પડે છે.
  
  બ્રિજની વચ્ચે ટેમ્પો ખોટકાઈ પડતાં Traffic Jam સર્જાયો
  
  આજરોજ ઔરંગા નદીના કૈલાસધામ ખાતે આવેલા આ બ્રિજ ઉપર પડેલા ખાડાને ( Pothole Problem ) કારણે એક ટેમ્પો બ્રિજ ઉપર ફસાઈ જવાને કારણે બ્રિજની બન્ને તરફ એક કિલોમીટર લાંબી વાહનોની લાઇન લાગતા ટ્રાફિકજામ ( Traffic Jam ) સર્જાયો હતો. તેમાં અનેક વાહનચાલકો કલાકો સુધી ટ્રાફિકમાં ઊભા રહી મુશ્કેલીમાં મુકાયા હતાં. જોકે કેટલાક વાહનચાલકો સ્વયં રસ્તા પર ઉતરીને ટ્રાફિક સમસ્યા હલ કરવા જોડાયા બાદ વાહનો એક પછી એક નીકળ્યા હતાં અને ટ્રાફિક હળવો થયો હતો.

આ પણ વાંચોઃ Sexual Harassment Case Jamnagar: કોણ છે મુખ્ય સુત્રધાર ?, જાણો...

દિવ્યાંગ દંપતિની બાઈક પણ ટ્રાફિક જામમાં ફસાઈ

આજની ઘટનામાં એક દિવ્યાંગ દંપતિ પણ બાઇક ઉપર પસાર થતાં બ્રિજ ઉપર આવ્યાં હતાં. તેમને કેટલાક લોકોએ મદદ કર્યા બાદ તેઓને પણ બાઈક સાથે બહાર કાઢવામાં આવ્યા હતાં. એ મહત્વનું છે કે દર વર્ષની આ સમસ્યાને જડમૂળથી દૂર કરવા માટે અત્યાર સુધીમાં કોઇ પણ અધિકારી વહીવટીતંત્ર કે નગરપાલિકાએ સુવિધા દરકાર રાખી નથી. જેના કારણે વાહનચાલકોને દર ચોમાસા દરમિયાન ( Traffic Jam ) ટ્રાફિક જામના શિરદર્દ અને ખાડાઓને ( Pothole Problem ) કારણે મુશ્કેલીનો સામનો કરવો પડે છે.

રેલવે ઓવબ્રિજ બંધ હોવાથી મોટાભાગના વાહનો કૈલાસ રોડનો ઉપયોગ કરે છે

આ સમસ્યામાંથી જાહેર જનતાને મુક્તિ મળે તે બાબતે વહીવટીતંત્રએ કોઈ યોગ્ય પગલાં ભરવા જોઇએ. મહત્વનું છે કે હાલમાં રેલવે ઓવરબ્રિજ પણ બંધ હોવાને કારણે મોટાભાગનો વાહન કૈલાસ રોડ ઉપરથી જ પસાર થતા હોય છે. જેને પગલે આ રોડના વાહન વ્યવહારનું ભારણ વધી ગયું છે અને એવામાં પડેલા આ ખાડા ( Pothole Problem ) લોકોની મુશ્કેલી વધારી રહ્યાં છે. આ સમસ્યા જડમૂળથી દૂર થાય તેવી માગ વાહનચાલકોમાં ઉઠી છે.

આ પણ વાંચોઃ GSHSEBનો નિર્ણય : 15 જુલાઈથી ધોરણ 10 અને 12ના રિપીટર વિદ્યાર્થીઓની પરીક્ષા યોજાશે