વલસાડઃ જિલ્લાના ધરમપુર રોડ પર આવેલા ભૂતસર ગામે રેહતા દીપસિંહ ભાઈ સોલંકી અને રમીલાબેન સોલંકીને ત્યાં મોડીરાત્રે 3 જેટલા લૂંટારુઓ ત્રાટક્યા હતા. તેમના ઘરના પાછળના ભાગમાં આવેલો એક દરવાજો ખુલ્લો રહી જતા લૂંટારુઓ ઘરમાં પ્રવેશ્યા હતા.
રમીલાબેનને આ લૂંટારુઓની જાણ થતા તેઓ બૂમાબૂમ કરવા લાગ્યા હતા. ત્યારે લૂંટારુઓએ તેમનું મોઢું દબાવ્યું હતું. જેના કારણે રમીલાબેન બેભાન થઇ ગયા હતા. લૂંટારુઓએ ઘરમાં રાખેલ દાગીના અને રમીલાબેને પહેરેલા દાગીના કાઢી લીધા હતા. આ ઉપરાંત ઘરમાંથી રોકડ રકમની પણ લૂંટ ચલાવી હતી.