વલસાડ શહેરના તિથલ રોડ ઉપર આવેલ નીલકંઠ રેસિડેન્સીમાં આજે અનેક સ્થાનિકો ભેગા મળી ઉત્તરાયણ પર્વની ઉજવણી કંઈક અનોખી રીતે કરવાનું વિચાર્યું હતું અને આ માટે બિલ્ડીંગના રહીશ ચન્દ્રેશ ભાનુશાલીએ તમામ લોકોને દક્ષિણ ગુજરાતનાની વાનગી જે માટીના માટલા ઉંધા મૂકી બનાવમાં આવે છે, જેની મોજ કરાવી હતી. સામાન્ય રીતે અમદાવાદ-વડોદરા જેવા શહેરોમાં ઊંધિયું કે જલેબીની પરંપરા વર્ષોથી ચાલી આવી છે, પરંતુ વલસાડમાં રહીશોએ ઊંધિયું જલેબીના સ્થાને ઉંબળિયાની વાનગીને સ્થાન આપ્યું હતું.
વલસાડમાં ઉત્તરાયણે ઉંધિયું નહીં પણ ઉંબડીયું છે લોકપ્રિય શિયાળો શરૂ થતાં જ વલસાડ જિલ્લામાં ઉંબળિયાની વાનગી તમને હાઇવે ઉપર પણ મળી શકે છે. આ વાનગીમાં વાલોર પાપડી, રીંગણ બટેટા શક્કરિયા, રતાલુ જેવી અનેક ચીજો વચ્ચે તેની ધાણા લસણ, આદુ-મરચાની ચટણી સાથે એક માટીના મટકામાં ભરીએ મટકું ઊંધું મૂકી તેની આજુબાજુ આગ લગાવી તેને બાફીને બનાવવામાં આવે છે.
જો કે, વરાળને લીધે મટકામાં બનતી વાનગીનો ટેસ્ટ જ આનોખો છે. આજે નીલકંઠ રેસિડેન્સીના તમામ લોકો એકત્ર થઈ ઉંબળિયાની વાનગી સાથે છાશની મોજ માણી હતી. આ સાથે પતંગ અને ચિક્કી તો હતી જ. આમ વલસાડના રહીશો દ્વારા ઉત્તરાયણ પર્વને વલસાડી વાનગી સાથે ઉજવાણી કરી હતી.
