પારડી તાલુકાના ડુમલાવ ગામે છ જેટલા ગામોનો સેવા સેતુ કાર્યક્રમનું આયોજન કરવામાં આવ્યો હતો. ડુમલાવ ગોઈમાં રોહિણાં, બરઈ, ખુટેજ અને ખેરલાવ જેવા ગામોના અનેક લોકો આધારકાર્ડ, રેશનકાર્ડ, વિધવા સહાય જેવા અનેક સેવાઓનો લાભ લેવા માટે ડૂબેલા પારસી ફળિયામાં આવેલી પ્રાથમિક શાળાના પટાગણમાં આયોજિત સેવાસેતુ કાર્યક્રમમાં ઉપસ્થિત રહ્યા હતા.
આ કાર્યક્રમમાં સેવા આપવા માટે સરકારી તંત્ર તરફથી આવેલા કર્મચારીઓ ટેબલ ઉપર પગ નાખીને બેસી આરામના મુડમાં જોવા મળ્યા હતા અહી વિવિધ પૂછપરછ માટે આવતા લોકોને પણ તેઓએ યોગ્ય જવાબ આપ્યો ન હતો એટલું જ નહીં શરમજનક બાબત તો એ છે કે, અહીં સેવાકીય કામગીરી કરવા આવનારા સરકારી કર્મચારીઓએ લોકોના વિવિધ અરજી ફોર્મ ભરવાના હોય છે. આ અરજી ફોર્મ ગામના મહિલા સરપંચ એ સ્વયં ભરવા પડ્યા હતા,તો આ સાથે અહીં સ્થળ ઉપર ન તો કોઈ અરજી ટાઈપ કરનારા હતો કે, ના કોઈ આરટીઓ વિભાગના કર્મચારી તો વિધવા સહાય અંગે ફોર્મ લેવા આવનારા લોકો પણ મૂંઝવણમાં મુકાયા હતા.
આ સમગ્ર કાર્યક્રમ દરમિયાન ડુમલાવ ગોઈમા ખેરલાવના મહિલા સરપંચો ઉપસ્થિત રહ્યા હતા તો સાથે જ મોટી સંખ્યામાં લોકો આધારકાર્ડ અને મા વાત્સલ્ય કાર્ડ મેળવવા માટે પણ પહોંચ્યા હતા.