માછી સમાજના વિરોધ વચ્ચે 23 બોટના 1800 માછીમારો ઉતર્યા નારગોલ બંદરે, તંત્ર સર્તક - વલસાડમાં કોરોના
વલસાડ જિલ્લાના ઉમરગામ તાલુકામાં નારગોલ બંદરે રવિવારે 23 બોટમાં આવેલા 1800 જેટલા ખલાસીઓને કાંઠે ઉતારવામાં તંત્રને સફળતા મળી છે. હાલ આ તમામ ખલાસીઓના હાથ પર હોમ ક્વોરેન્ટાઇનનો સિક્કો મારી તમામનું સ્ક્રિનિંગ કરવામાં આવ્યું છે. એક ખલાસીમાં કોરોનાના લક્ષણો જણાતા તેને વલસાડ સિવિલ હોસ્પિટલમાં રીફર કરાયો છે.
માછી સમાજના વિરોધ વચ્ચે 23 બોટના 1800 માછીમારો ઉતર્યા નારગોલ બંદરે, તંત્રએ તમામનું ચેકીંગ કરી હોમ કોરોન્ટાઇન કર્યા
વલસાડ: ઉમરગામ તાલુકાના નારગોલ બંદરે માછી સમાજ દ્વારા 3 દિવસથી ચાલતા વિરોધ વચ્ચે રવિવારે તંત્રએ વેરાવળથી આવેલી 23 બોટના 1800 ખલાસીઓને કાંઠે ઉતારવામાં સફળતા મેળવી છે. રવિવારે નારગોલ નજીક નારગોલ ઉમરગામ વચ્ચેની ખાડીમાં આ તમામ બોટને લાંગરવાની પરવાનગી આપી હતી. જે બાદ કાંઠે ચુસ્ત બંદોબસ્ત જાળવી ફરજ બજાવતી વલસાડ પોલીસ અને મરિન પોલીસે તમામના આઈ કાર્ડ ચેક કર્યા હતાં. જ્યારે આરોગ્ય વિભાગની ટીમે તમામને બોટમાંથી ઉતારી થર્મલ ગન વડે તમામનું સ્ક્રીનીંગ કર્યું હતું અને હાથ પર હોમ કોરોન્ટાઇનનો થપ્પો મારી પોતપોતાના ઘરે જવા મંજૂરી આપી હતી.