બેન્કિંગ વ્યવહારની સમજણ ના પડતી હોય એવા લોકોના કાગળો લઈ કૌભાંડ કરવામાં આવતું હતું
ગુંદલાવના ઘડોઈ ફાટક પાસે રહેતા એક મૃતકના નામે બાઇકની ખરીદી થઈ હતી
બેંકમાં નાણાં ન ભરતા રિકવરી કરવા આવેલા બેન્ક કર્મચારી કૌભાંડ આવ્યું બહાર
વલસાડ: ગુંદલાવના ઘડો ફાટક પાસે રહેતા આશિષભાઈ મુકેશભાઈ પટેલના પિતા મુકેશભાઈ મણીલાલ પટેલ અને આ ટોળકીએ પૈસાની લાલચ આપી વિશ્વાસમાં લઇને તેમની પાસેથી જરૂરી દસ્તાવેજ મેેેળવી જુદી-જુદી બેંક અને ફાઇનાન્સ કંપનીઓના માધ્યમથી ત્રણ યામાહા કંપનીના આરવન ફાઈ લોન મેળવી તેની જાણ બહાર વલસાડ ડુંગરી વાપી તથા મહારાષ્ટ્ર રાજ્યમાં જુદી જુદી જગ્યાએ વેચાણ કરી નાખ્યા હતા.
બેન્કના રિકવરી ઓફિસર લોનની રિકવરી મેળવવા પહોંચ્યા હતા
પાડોશમાં રહેતા અશોકભાઇ સુમનભાઈ પટેલના નામે પણ એક બજાજ પ્લેટીના મોટર સાયકલ લોન્ચ કરી નાખી હતી. આ સમગ્ર હકીકત બહાર આવી, ત્યારે બેંકના રિકવરી ઓફિસર લોનની રિકવરી મેળવવા માટે તેમના ઘરે પહોંચ્યા હતા. પરંતુ તેમણે કોઈ બાઈક તો ખરીદી જ નહોતી અને લોન પણ લીધી ન હતી. જેને જોતા જ તેમની સાથે છેતરપિંડી થઇ હોવાનું અનુમાન થતા તેમણે વલસાડ રૂરલ પોલીસ મથકમાં ફરિયાદ કરી હતી. જે બાદ પોલીસે તપાસના ચક્રો ગતિમાન કર્યા હતા.
રૂરલ પોલીસ મથકે ફરિયાદ બાદ પોલીસે તપાસ કરતા 3 શખ્સને ઝડપ્યા હતા
મૃતક પિતાના કાગળોનો ઉપયોગ કરીને બેંકમાંથી લોન લઈ બાઇક ખરીદી બાઇકને અન્ય જગ્યાઓ પર વેચી નાખવાના કૌભાંડ બાબતે રૂરલ પોલીસ મથકમાં ફરિયાદ આવતા રૂરલ પોલીસ મથકના પીએસઆઇ રાણા અને તેમના સ્ટાફ દ્વારા તપાસનો દોર શરૂ કરવામાં આવ્યો હતો. જે બાદ તેમણે આ સમગ્ર કિસ્સામાં વિજય ઓમકાર વિઠ્ઠલભાઈ પાટીલ, મયુર અમ્રતભાઇ પટેલ, અંકિત વિનોદ પટેલની ધરપકડ કરી છે. જેમના દ્વારા અનેક લોકોના કાગળોનો ઉપયોગ કરી 16 જેટલા વાહનો વિવિધ ફાઇનાન્સ કંપનીમાંથી લોન કરી વેચી દેવામાં આવ્યા હતા. જે 16 મોંઘીદાટ બાઇકો પોલીસે કબજે કરી છે.
પોલીસે 19 લાખ 84 હજારની બાઇકો કબ્જે કરી છે
આ સમગ્ર કિસ્સામાં રૂરલ પોલીસે 16 જેટલી મોંઘીદાટ બાઇક કબ્જે કરી. જેમાં પલ્સર, બુલેટ જેવી અનેક બાઇકો વિવિધ જગ્યાઓ પર વેચાણથી આપી દેવામાં આવી હતી. જેને પરત કબજે કરી પોલીસે 19 લાખ 84 હજાર રૂપિયાનો મુદ્દામાલ કબજે કર્યો છે.
કૌભાંડ કરનારા 3 શખ્સને પોલીસે ઝડપી પાડ્યા છે
લોકોના જરૂરી દસ્તાવેજોનો દુરુપયોગ કરીને વિવિધ બેન્કો અને ફાયનાન્સ પરથી બાઈક લોન કરી હપ્તા ન ભરવા માટે તેને અન્ય લોકોને વેચી દઈ રોકડી કરી લેવાનું કૌભાંડ કરનારા ત્રણ શખ્સને પોલીસે ઝડપી પાડ્યા છે તેમજ તેમની સાથે સંકળાયેલા અન્યની તપાસ અને શોધખોળ પણ ચાલી રહી છે.
